سەرەکی » وتار »  ‌شادمان مه‌لا حه‌سه‌ن‌ » كێ‌ ئەم دۆخە ئارام دەكاتەوە

راستییەکەی

كێ‌ ئەم دۆخە ئارام دەكاتەوە

دۆخی ئەمڕۆی كوردستان لەبەردەم زۆرینەیەكی خەڵك لەبەرچاو بوو،كەوا ئەم دۆخە دێت،به‌ڵام ئەوەی لەبەرچاوی نەبوو هیچ خوێندنەوەیەكی بۆ نەبوو،زیاتر ئەو دەستەبژێرەی كە دۆسیەی ریفراندۆمیان بەرێوە دەبرد،هەر ئەوەی خەڵك چاوەڕێی دەكرد هاتە دی.هەموو ئەو تەلارەی كە لەماوەی رابردوو لە جوگرافیاوهێز و دیبلۆماسیەت وئابووری بونیادنرا بوو،لە ماوەیەكی كەمدا بەسەریەكدا رووخا.
ئەوەی ماوەتەوە بەشێكە، ئەویش نازانرێ چۆن هەنگاوی بۆ بنرێت لەم دۆخە رزگار بكرێت و شتی تازەی بۆ بونیاد بنرێ‌. بەدڵنیایەوە لە وڵاتێكی تر بێت ئەم دەستەبژێرە  بە شكست خواردوو دادەنرێ‌و‌ دەبێ دەست بەجێ‌، دەستەیەكی تر كاروبارەكان بگرێتە دەست و رەوشەكە بخوێنتەوە و رێگا چارەی گونجاوی بۆ بدۆزێتەوە تاكو لە تونێلی یەكەم بیهێنێتە دەرەوە و دونیای رۆشن ببینێ‌ وبزانێ‌ بەكام رێگا هەنگاو دەنێ‌.
كورد ئەگەر بیەوێ‌ رزگاری بێت دەبێ‌ ئەمە بكات،به‌ڵام ئەگەر نەیكات زۆر زەحمەتە لەتونێلەكە سەر دەربكات و بێتە دەرەوە، به‌ڵام ئەگەر بیكات ئەوە هەنگاوی یەكەم دەبێ‌ چێكەكی هەموو داتا و كارتەكانی خۆی بكات، چەندی لەبەر دەست ماوە و توانای چەند هەنگاونانی هەیە. لەهەمووی گرنگتر ئەوەیە دەبێ‌ ئارام بێت لە مامەڵە كردن،ئەوەی زیاتریش پەنای بۆ ببات دەستوور و قانوون بكاتە فاكتەری هەرە بەهێزی دانوستانەكانی تاكو هەڵدەستێـتەوە سەرپێ‌.
ئەو تیمەش كە دۆسیەی ئەو بابەتە دەبات بەڕێوە،دەبێ‌ تیمێكی شارەزاو لێهاتوو و بەسەلیقە بێت لە رووی بابەتە یاسایی و جوگرافی و مێژووییەكان،بۆ ئەوەی كێشەكە بخرێتەوە سەر رێگا تەندروستەكەی خۆی. هەموو ئەو مافانەی كە لەدەستوور بۆ هەرێم و ناوچە جێناكۆكەكان دیاری كردووە،كەواتە دەبێ‌ ئەم مافانە هەمووی بەم شێوە نەرمە و قانوونیە بێتەوە دەستی كورد.
ئەگەر كورد ئەم هەنگاوە نەگرێتە بەر، زیاتر پەراوێز دەخرێت و ناكەوێتەوە سەر سكەی تەندروستی خۆی،چونكە كورد زۆری لەدەست دا بە هۆی ریفراندۆمەوە،به‌ڵام هیچی دەست نەكەوت هەردەبێ‌ بێتەوە سەر بابەتە لەپێشینەكەی خۆی،ئەویش قانوون و دەستووری عیراقە،چونكە كورد بەكارتەكانی تر ناتوانێ‌ بەرەنگاری عیراق ببێتەوە، ئەگەر نا ئەوەی ماوەش هەر لە دەستی دەدات. بۆیە كورد دەبێ‌ رەوشەكە بە جدی وەربگرێت،ئەگەر هەر لەسەر هەمان فۆڕمی جاران بیەوێ‌ بڕوات و هەمان دەستە بژێری جاران كارەكەی بۆ بكات، ئەوە بەدڵنیایەوە زیانی زۆر گەورەتر دەكات،كێشەی كورد بۆ زەمەنێكی زۆر زیاتر بەرەو پاش دەگێڕێتەوە.
print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

كه‌ركوك له‌به‌رده‌م په‌لامارێكی‌ تردا

كه‌ركوك ئه‌و شاره‌ی‌ له‌گه‌ڵ دروستكردنی‌ ده‌وڵه‌تی‌ عیراق، ئینگلیز وه‌ك سه‌ر‌چاوه‌ی‌ ...