سەرەکی » هەمەڕەنگ » ئیزاعەكەپەڕە 3

ئیزاعەكە

باست حەمە غەریب

بۆ ئەو ئێزگە خۆشەویستەی هەموومانی پیركردوو خۆی هێشتا گەنجەو دەنگی زوڵاڵە
لەئامێزی مایكەكەتا بم یا دووربم، هەر رۆڵەكەی جارانتم
رووی دەنگی تۆ لە كام لابێت، گوێی ئێمەش بەرەو ئەوێیە، دەی ببێژە چالاكی گەورەی ئەم جارە، كام دەڤەرە، لە كام جێیە
ئەم تەشویشە دوا بڕاوە، گەردی خستووەتە سەر دەنگت، ناهێڵێت بە دڵ بیبیستین، تا بزانین دەنگوباسی شەڕو بەرگری لە كوێیە
بەڵام رۆحمان ئاگای لێتە، كێ هەڵمەت بەرەو قارەمان، كێ لە سەنگەردا چەقیوەو، شەهید كێیە
لە دڵمانایە ئەی دەنگی هەق، ئەی سەدای بەرگری‌و خەبات
وەرن وەرن گوێ ڕادێرن ڕاپەڕینەو زەماوەندی ئازادییە، مۆسیقای ئاسودەبنە، ئیزگەكەمان هەواڵێكی تازەی پێیە
ئەم دەنگە هەرگیز پیر نابێت، چونكە دەنگی هەموومانە
دەنگی كوردە
دەنگی گڕی مەشخەڵانە
دەنگی زوڵاڵی پێشمەرگەو، دەنگی میللـەت
دەنگی یەكێتیەكەمانە
ئێرە ئیزگەی دەنگی گەلی كوردستانە

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*