سەرەکی » راپۆرت » ئامادەكردنی: دیاری سابیر » سودان؛ مانگرتنی سەرتاسەریی دەستیپێكردپەڕە 2

سودان؛ مانگرتنی سەرتاسەریی دەستیپێكرد

مانگرتنی سەرتاسەری لە سودان کە بزووتنەوەی ناڕازی ئەو وڵاتە بانگەشەی بۆ دەكرد، دوێنێ خرایە بواری جێبەجێكردنەوە‌ و رێكخەرانی مانگرتنەكە جەخت دەكەنەوە كە ناڕەزاییەكانیان بەردەوام دەبێت تا ئەوكاتەی ئەنجومەنی سەربازیی راگوزەر لە سودان، دەسەڵات رادەستی حكومەتێكی مەدەنیی دەكات.

رادەستكردنی دەسەڵات بە حكومەتێكی مەدەنی
بەگوێرەی ئاژانسەكانی هەواڵ: كۆمەڵەی پیشەییەكانی سودان كە سەرپەرشتی مانگرتنەكە دەكات، سوورە لەسەر درێژەدان بە ناڕەزاییەكان، تا ئەو كاتەی لە رێی تەلەفزیۆنی رەسمیی وڵاتەوە، رادەستكردنی دەسەڵات بە حكومەتێكی مەدەنی رادەگەیەنرێت.
ئاماژە بەوەش دەكەن: بە وتەی كۆمەڵەی پیشەییەكان، جگە لە نەخۆشخانەی فریاكەوتن‌ و لیژنەی دەرمانخانەكان‌ و سندوقی نیشتمانیی بۆ كۆمەكی تەندروستی، مانگرتن لە كەرتی گشتی‌ و تایبەتدا بەردەوام دەبێت.

بەشداریی لە مانگرتنی سەرتاسەریدا بكەن
ئاژانسەكانی هەواڵ بڵاویانكردەوە: زۆربەی ماركێت‌ و شوێنە خزمەتگوزارییەكانی شاری خەرتومی پایتەخت داخراون‌ و بەوتەی شایەتحاڵەكانیش، تەنانەت لە فڕۆكەخانەی نێودەوڵەتیی خەرتومیش زۆربەی گەشتەكانی هاتن‌ و چوون راگیراون.
سەرچاوەكانی هەواڵ باس لەوە دەكەن كە دوای هەڵكوتانە سەر خێمەكانی مانگرتووان لەلایەن هێزە ئەمنییەكانەوە‌ و وەكو فشارێك لەسەر ئەنجومەنی سەربازیی دەسەڵاتدار، سەرپەرشتیارانی ناڕەزاییەكان داوایان لە هاووڵاتیان كردووە بۆ ئەوەی بەشداریی لە مانگرتنی سەرتاسەریدا بكەن، تا ئەوكاتەی دەسەڵاتی سەربازیی وڵات ملكەچی داخوازییەكانیان دەبێت.
روونیشیانكردۆتەوە: مانگرتووان زۆربەی شەقامە سەرەكییەكانی خەرتومی پایتەختیان بە بەرد ‌و تایە و چەندین شتی دیكە گرتووە‌ و بەوەش ئاستەنگی زۆر بۆ هاتوچۆی ئۆتۆمبیل لەو شارەدا دروستبووە.

نێوەندگیریی ئەسیوپیا
كەناڵەكانی راگەیاندن ئاماژە بەوە دەدەن كە داواكاریی سەرپەرشتیارانی ناڕەزاییەكان دوای تەنها رۆژێك دێت لە دیداری ئابی ئەحمەد سەرۆك وەزیرانی ئەسیوپیا لەگەڵ سەركردەكانی ئەنجومەنی سەربازیی سودان‌ و سەرپەرشتیارانی مانگرتنەكان کە بە جیاجیا لەگەڵیان کۆبۆوە، ئەوەش وەكو هەوڵێكی نێوەندگیریی بۆ دەستپێكردنەوەی دانوستانی نێوان ئەو دوو لایەنە.
لای خۆشیەوە، كۆمەڵەی پیشەییەكانی سودان رایگەیاند: رازیبوون بە نێوەندگیریی سەرۆك وەزیرانی ئەسیوپیا بۆ دەستپێكردنەوەی دانوستانەكان، بەڵام پێش گەڕانەوە بۆ مێزی گفتوگۆ، چەند مەرجێكیان هەبووە.

سەرچاوە: ئاژانسەکان

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

كڕینی سیستمی موشەكیی ئێس 400 ناكۆكیی زیاتری بەدوادا دێت

لەو كاتەوەی ئەنقەرە دەیەوێت سیستمی موشەكیی ئێس 400 لە مۆسكۆ ...