سەرەکی » هەواڵ » خولی هۆشیاریی جێندەرناسی

خولی هۆشیاریی جێندەرناسی

راگەیاندنی مەكتەبی رێكخراوە دیموكراتییەكان

بەشی راگەیاندن‌و رووناكبیریی مەكتەبی رێكخراوە دیموكراتییەكان، بەهاوكاریی رێكخراوی (ژنان بۆ ژنانی نێودەوڵەتی)، خولێكی بۆ 35 كادری مەكتەبەكانی یەكێتیی نیشتمانیی كوردستان، كردەوە.
لەخولەكەدا، كە نەرمین عوسمان سەرپەرشتیاری مەكتەبی رێكخراوە دیموكراتییەكان‌و بەرزان ئەحمەد كوردە لێپرسراوی بۆردەكانی NGOو جەماوەرییەكانی مەكتەب، ئامادەبوون. سەرەتا سیروان جەلال سەرپەرشتیاری خولەكە ئامانج‌و پرۆگرامی خولەكەی روونكردەوە. پاشان نەرمین عوسمان، لەوتەیەكدا گرنگیی ئەم جۆرە خولانەی خستەڕوو. لەكۆتاییشدا بڕوانامە پێشكەش بەبەشداربووان كرا.
لەبارەی خولەكەوە، سیروان جەلال، پێیڕاگەیاندین: لەخولەكەدا چەند بابەتێكی زانستی‌و یاسایی‌و كۆمەڵایەتی سەبارەت بە (جێندەرو توندوتیژیی خێزانی، مامەڵەی كۆمەڵگە لەگەڵ پرسی ژنان‌و ماف‌و رۆڵیان لەكایە سیاسی‌و كۆمەڵایەتییەكان‌و ناوەندەكانی بڕیاردا) وترانەوە‌و گفتوگۆیان لەبارەوە كرا. وتیشی: بڕیارە لەداهاتوویەكی نزیكدا سەبارەت بەچەند پرسێكی دیكەی پەیوەست بەقۆناغی ئێستا، خولی دیكە بكرێتەوە.

 30 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*