سەرەکی » دۆسێ » تەنگژەكانی نێوان ئیسرائیل و ئێران بەردەوامن

رەوشەكە ئاڵۆزتر دەكەن

تەنگژەكانی نێوان ئیسرائیل و ئێران بەردەوامن

سەرۆك وەزیرانی ئیسرائیل، لە پەیامێكیدا بۆ حزبوڵڵای لوبنانی و هەریەك لە وڵاتانی لوبنان وئێران رایگەیاندبوو «ئاگاداریی كرداری و گفتارتان بن».
بنیامین نەتانیاهۆ، سەرۆك وەزیرانی ئیسرائیل لە تویتێكیدا لە هەژماری تایبەتی خۆی پەیامێكی ناڕاستەوخۆی رەوانەی حزبوڵڵای لوبنان و هەریەك لە وڵاتانی ئێران لوبنان كرد، بەپێی پەیامەكەش»ئاگاداریی خۆتان بن چی دەڵێن و بزانن چی دەكەن».
بە گوتەی نەتایاهۆ «گوێبیستی قسەكانی حەسەن نەسروڵڵا، ئەمینداری گشتی حزبوڵڵای لوبنانی بووە و داوای لێدەكات تۆزێك هێمن و لەسەرخۆبێت، چونكە ئەو باش دەزانێت دەوڵەتی ئیسرائیل چۆن بە باشی بەرگری لە خۆی دەكات و وەڵامی دوژمنەكانی دەداتەوە».
لە بەشێكی تری تویتەكەیدا، سەرۆك وەزیرانی ئیسرائیل رایگەیاندووە « دەیەوێت بە نەسروڵڵا و دەوڵەتی لوبنان، و لە هەمان كاتدا بە قاسم سولەیمانی فەرماندەی فەیلەقی قودس-ی سەر بە سوپای پاسداران رادەگەیەنێت كە لە هەوڵی ئەوەدان ئیسرائیل لەناوببەن ،ئاگاتان لەخۆتان بێت چی دەڵێن و لەوەش زیاتر ئاگاداریی هەڵسوكەوتەكانتانبن».
ئەم قسانەی بنیامین نەتایاهۆ سەرۆك وەزیرانی ئیسرائیل، وەك وەڵامێكە بۆ لێدوانەكانی ئەم دواییەی هەریەك لە حەسەن نەسروڵڵا و قاسم سولەیمانی كە رۆژێك بەر لەوە، هۆشداریان دابووە ئیسرائیل و رایانگەیاندبوو»هێرشەكانی ئیسرائیل بێ وەڵام تێناپەڕێنێت و وەڵامیان دەبێت».
لەم چەند رۆژەی رابردوودا، لەماوەی 24 كاتژمێردا، سێ هێرشی سەربازی لە لایەن ئیسرائیلەوە كرایە سەر هەریەك لە سوریا و عیراق و لوبنان، هێرشەكانی ئیسرائیل بۆردوماندن بوون لە رێی فرۆكەی بێفرۆكەوانەوە، بۆ سەر پێگەكانی حەشدی شەعبی لە پارێزگای ئەنبار و پێگەیەكی حزبوڵای لوبنانی لەنزیك بەیروتی پایتەخت و چەند ناوچەیەك لە دیمەشقی پایتەختی سوریا.
چەند رۆژێك بەر لەوەش حكومەتی ئیسرائیل رایگەیاندبوو «هەموو ئەو ناوچانە دەكاتە ئامانج كە لە خۆرهەڵاتی ناوەڕاست و وڵاتانی ناوچەكەدا، جێگەی هەژموونی ئێرانین».
دوای هێرشەكەی ئیسرائیل بۆ سەر سوریا، سەرۆك وەزیرانی ئیسرائیل هەڕەشەی بەئامانجگرتنی ئێرانی كردبوو لە هەموو شوێن و جێگەیەك، ئاماژەی بەو فەرمانەش كردبوو كە دراوە بە سوپا وڵاتەكە، تا خۆی بۆ هەموو سیناریۆكان ئامادە بكات.
لە تویتێكی تردا، بنیامین نەتانیاهۆ سەرۆك وەزیرانی ئیسرائیل،لە بارەی هێرشە ئاسمانییەكەی وڵاتەكەی بۆ سەر گوندی عەقرەبای نزیك دیمەشقی پایتەختی سوریاوە رایگەیاندبوو، هێزەكانیان بەو هێرشە ئامادەكارییەكانی سوپای قودسی ئێرانیان بۆ هێرش كردنە سەر چەند ئامانجێكی ئیسرائیل پووچەڵ كردووەتەوە.
بە گوتەی نەتانیاهۆ»هێزەكانی وڵاتەكەی فەرمانیان پێكراوە، خۆیان بۆ هەموو ئەگەرەكان ئامادە بكەن و بەردەوامیشبن لەسەر گرتنەبەری ڕێوشوێنەكانیان بۆ رێگرتن لە پەرەسەندنی دەسەڵات و هەژموونی ئێرانی لەناوچەكەدا».
پێشتر سكرتێری گشتی حیزبوڵڵای لوبنانی هۆشیاریدابووە سوپای ئیسڕائیل كە لەسەر سنووری لوبنان، هێزەكانی بڵاوەپێكردبوو.
حەسەن نەسروڵڵا لە وتارێكیدا رایگەیاندبوو «حیزبوڵڵا خۆی ئامادە دەكات بۆ وەڵامدانەوەی ئەو دوو فڕۆكە بێفڕۆكەوانە ئیسرائیلییەی كە لەم ماوەیەدا لە گەڕەكێكی باشووری بەیروت كەوتوونەتە خوارەوە».
بە گوتەی نەسروڵڵا“ئەوان لەبەردەم قۆناغێكی نوێدان، هێرش لە دژی ئامانجێكی دیاریكراو ئەنجامدراوە لە گەڕەكێكی باشووری بەیروت و فڕۆكەی بێفڕۆكەوان بەكارهێنراوە،ئەمەش گرژییەكان بەشێوەیەكی زۆر مەترسیدار زیاتر دەكات، بۆیە هەموو ڕێوشوێنێكیش دەگرنەبەر، رێگەنەدەن جارێكی تر رووداوی لەو جۆرە ئەوە رووبداتەوە».
بەپێی سەرچاوەكانی هەواڵ، لەم ماوەیەی دواییدا فڕۆكەیەكی بێفڕۆكەوان لە نزیك ناوەندێكی ڕاگەیاندنی حزبوڵڵای لوبنانی كەوتووەتە خوارەوە و دواتر فڕۆكەیەكی تری بێفڕۆكەوان لەنزیك هەمان شوێن تەقیوەتەوە و زیانی ماددی بە شوێنەكە گەیاندووە، ئەمەش بە یەكەمین ڕووداوی لەوشێوەیە لە ماوەی زیاتر لە 10 ساڵدا دادەنرێت.
هەر لەو چوارچێوەیەدا و لەبارەی هێرشەكانی ئەم دواییەی سەر حەشدی شەعبی لە عیراق، سەرۆك وەزیرانی ئیسرائیل ناڕاستەوخۆ جەختی لەسەر راستی ئەو دەنگۆیانە كردبووەوە كە لە بارەی هێرشی وڵاتەكەی بۆ سەر چەند بنكەیەكی هێزەكانی حەشدی شەعبی لە عیراق بڵاوكرابوونەوە.
بنیامین نەتانیاهۆ لە 20ی ئابی 2019، لە میانی گەشتەكەی بۆ وڵاتی ئۆكرانیا و لە وەڵامی پرسیارێكی ڕۆژنامەواناندا سەبارەت بەوەی ئاخۆ ئیسرائیل لە پشت ئەو هێرشانەوەیە كە لە عیراق كرانە سەر هێزەكانی حەشدی شەعبی رایگەیاندبوو:”ئێران هەڕەشەی لە ناوبردنی ئیسرائیل دەكات، ئێمەش لە هەر شوێن و جێگەیەك پێویست بكاتە دەیكەینە ئامانج».
بە گوتەی نەتانیاهۆ «هیچ شوێنێك بۆ ئێران پارێزراو نییە».
لە دوایین لێدوانیشیدا، سەرۆك وەزیرانی ئیسرائیل، دانی بەوەدانا كە هێرشەكانی ئەم دواییەی سەر بارەگاكانی حەشدی شەعبی لە عیراق، لەلایەن ئەوانەوە ئەنجامدراوە و “بەرژەوەنییەكانی ئێران كراونەتە ئامانج”.
بنیامین نەتانیاهۆ سەرۆك وەزیرانی ئیسرائیل، لە پەخشێكی ڕاستەوخۆ لەڕێی پەیجی تایبەتی خۆی لەسەر تۆڕی كۆمەڵایەتی (فەیسبوك) ڕایگەیاندبوو”هەموو كارێك دەكەم لەپێناو پاراستنی ئاسایشی دەوڵەتەكەمان لە هەموو لایەكەوە، لە باكوورەوە بەرانبەر بە لوبنان و حزبوڵڵا، لە سوریا بەرانبەر بە ئێران و حزبوڵڵا، بە داخەوە لە عیراقیش لەبەرانبەر ئێران”.
بە گوتەی نەتانیاهۆ”ئەوان چوار دەورییان بەو ئیسلامییە توندڕەوە گیراوە كە لەلایەن ئێرانەوە سەركردایەتی دەكرێت”.
نەتانیاهۆ دانی بەوەدانا كە سوپای ئیسرائیل، هێرشی لە دژی بنكە سەربازییەكان لە عیراق ئەنجامداوە كە بە گوتەی ئەو كراونەتە سەر بارەگاكانی ئێران، جەختیشی لەسەر بەخشینی تەواوی ئازادی بە هێزەكانی وڵاتەكەی كردەوە، تا “بەو پەڕی تواناوە پیلانەكانی ئێران پووچەڵ بكەنەوە”.
لەم ماوەیەی دواییدا لە دیالە و سەڵاحەدین بارەگا و جبەخانەكانی هێزەكانی حەشدی شەعبی كرانە ئامانجی هێرشی فڕۆكە بێفڕۆكەوانە نەناسراوەكان، كۆگایەكی چەك و تەقەمەنی ئەو هێزانە لە نزیك بەغدا تەقییەوە، لە تەواوی ئەو رووداوانەشدا ئیسرائیل بە ئەنجامدانی هێرشكردنە سەر ئەو شوێنانە تۆمەتباركرا.
لەدوایین پێشهاتیش، بنكەی سەربازی (بكر) لە شارۆچكەی بەلەدی باشووری پارێزگای سەڵاحەدین كرایە ئامانج و دوابەدوای ئەوەش هێزەكانی حەشدی شەعبی لە بیابانەكانی ئەنبار و لە نزیك سنورەكانی عیراق- سوریا كرانە ئامانجی فڕۆكە بێفڕۆكەوانەكان و بەو هۆیەوە فەرماندەیەكی حەشدی شەعبی كوژرا و ژمارەیەكی تر برینداربوون.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

مالیكی داوای پۆستی جێگری سەرۆك كۆمار دەكات

نوری مالیكی سەرۆكی هاوپەیمانی دەوڵەتی یاسا و سەرۆك وەزیرانی پێشووتری ...