سەرەکی » هەواڵ » ״رێنماییەكانی خوێندنی ماستەر و دكتۆرا رادەگەیەنرێت״

״رێنماییەكانی خوێندنی ماستەر و دكتۆرا رادەگەیەنرێت״

وەزیری خوێندنی باڵا هەمواركردنی رێنماییەكانی خوێندنی باڵای راگەیاندو وتی: لەچەند رۆژی داهاتوو رێنماییەكانی خوێندنی ماستەرو دكتۆرا رادەگەیەنرێت.
ئەو وتانەی د.ئارام محەمەد وەزیری خوێندنی باڵاو توێژینەوەی زانستی، دوێنێ لەمیانی پێشكەشكردنی وتارێكدا هات لەخولی پێنجەمی دەرچووانی زانكۆی گەرمیان، لەكەلارو راشیگەیاند: لەئێستادا چارەسەری كێشەی هەموو كاندیدانی ماستەرو دكتۆرا كراوەو هەموو كاندیدان خوێندنیان دەستپێكردووە. وتیشی: توانیمان لەئەنجومەنی وەزارەتی خوێندنی باڵا رێنماییەكانی خوێندنی ماستەرو دكتۆرا هەمواربكەینەوەو دەرفەتی بەرفراوان بۆ دەرچووانی زانكۆكانمان بڕەخسێنین‌و لەچەند رۆژی داهاتووشدا رێنماییەكان بڵاودەكەینەوە، دواتریش دەرگای پێشكەشكردنی داواكاری دەكەینەوە، كە دەرچووانی ئەمساڵیش لەهەموو زانكۆكان ئەوانەی هێشتا دانەمەزراون دەتوانن داواكاریی بۆ خوێندنی ماستەر پێشكەش بكەن.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*