سەرەکی » وەرزش » پاڵەوانێكی كورد لە زێڕ

پاڵەوانێكی كورد لە زێڕ

بەم دواییە پاڵەوانێكی لەشجوانی كوردستان بەمەبەستی بەشدارییكردن لە چەند پاڵەوانێتییەكی جیهانی و نێو دەوڵەتی یاریی لەشجوانیدا لە شاری سلێمانییەوە گەشتێكی سەركەوتوو پڕ ئەنجامی بۆ ئەوروپا كرد.
ئارام ئەمین ئەو پاڵەوانەیەو وەك خۆی باسی كردووە ئەو لە 8 پاڵەوانێتیی جیا جیا دا لە ئەوروپا و لە هەردوو وڵاتی ئەڵمانیاو دانیمارك بەشداریی كردووەو 9 میدالی جۆراو جۆری لەملكراوە، دوان لە میدلەكان گۆڵد و یەكێكی تریشیان ئۆڤەر گۆڵدە كە بەمیدالی یەكەمی یەكەمەكان ناو دەبرێت.
سەرەتا لە كۆپنهگن لە دانیمارك رۆژی 18/1/2019 تا 21/10/2019 لەوێ سێ میدالی لە ملكرا، دوو سلڤەر و برۆنزێك بوون، واتە دوو دووەمی و سێیەمییەك بووە و پاڵەوانێتییەكەش ئای ئێف بی بی بوون.
لە رۆژی 7 تا 10/11/2019 لە فرانك فۆرتی ئەڵمانیا لە پاڵەوانێتی دینیس جەیمس كلاسیك لە شاری فرانك فۆرت بەشداریی كرد و لەودا میدالی پلەی پێنجەمی بردەوە.
پێنج میدالەكەی تریش لەو پاڵەوانێتییەدا بوو كە لە شاری مونشن لە ئەڵمانیا رێكخرا، دوو میدالیان لە كلاسیكدا بەشدار بووە، وەك فیزیك كە پاڵەوانەكان تیایدا شۆرتی تا سەر ئەژنۆ لەبەر دەكەن و باڵا زۆر گرنگی هەیە دوو پلەی دووەمی بردەوە.
لە بۆدی بێڵدینگیشدا دوو گۆڵدی بردەوە، پاش ئەم دوو میدالە چووە ركابەری بردنەوەی میدالێكی گۆڵدی تر ئەویش بەركابەرییكردنی سەرجەم یەكەمەكانی تر كە ژمارەیان شەش پاڵەوان بوون و ئەوانیش هەریەكەیان دوو میدالیان هەبووە، یەك پاڵەوانیش دەبێتە خاوەنی ئەم میدالە و بەشانازییەوە ئەو توانی میدالەكە بباتەوە.
وەک خۆی ووتی؛ ئەمە مایەی شانازییە یەكەم بۆ وەرزشی كوردستان و دواتر بۆ وەرزشی شاری سلێمانی كە بۆ یەكەمین جارە پاڵەوانێك نەك لە كوردستان بگرە لەعیراقیش هیچ پاڵەوانێک ئەم میدالەی لە مل نەکراوە.
ئەم پاڵەوانەی كوردستان گلەیی ئەوەدەكات كە تائێستا هیچ لایەنێكی وەرزشیی تەنانەت سوپاسیشیان نەكردووە، نەك دەستخۆشی لێكردن، ئەمە لەكاتێكدا لەسەر خەرجی خۆی و لە گیرفانی خۆی سەرجەم خەرجییەکانی کردووەو كەس یارمەتیی نەداوە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*