سەرەکی » کەلتوور » دید و رۆشنایی دەربارەی ئیسلامی سیاسیپەڕە 2

دید و رۆشنایی دەربارەی ئیسلامی سیاسی

لەدووتووێی 286 لاپەڕەدا كتێبی (دید و ڕۆشنایی – دەربارەی ئیسلامی سیاسیی، دیدار و وتووێژ) نووسینی (نیاز سەعید عەلی) چاپ و بڵاوكراویەوەو کەوتە بەردەستی خوێنەرانی.

لەپێشەکی کتێبەکەدا هاتووە: ئیسلامی سیاسی یەکێکە لەو دیاردە سیاسییانەی کە پێشینەیەکی 92 ساڵی هەیە، ئەویش لەدوای هەڵوەشانەوەی دەوڵەتی عوسمانی و سیستەمی خەلافەتی ئیسلامی، ئەو دیاردەیە سەرەتا لەساڵی 1928 لەمیسر بەدامەزراندنی یەکەمین رێکخراوی ئیسلامی سیاسی دەستپێدەکات، بەناوی (رێکخراوی ئیخوان موسلمین).

بوونی ئەو دیاردەیە، بەدیاردەیەکی سیاسی کاریگەرو بزوێنەر، یەکەمجار لەمیسرەوە سەرهەڵدەدات و مێژووەکەی ئەگەڕێتەوە بۆ دەوروبەری 75 ساڵ بەرلەئێستا، ئەوکاتەی کە ئەو رێکخراوە لەدوای دامەزراندنییەوە تا ساڵانی نیوەی یەکەمی چلەکانی سەدەی رابردوو، توانی قۆناغەکانی بانگەشە و خۆناساندن، هەروەها رێکخستن و پەروەردەکردن ببڕێت و بەهەموو شارەکانی میسردا بڵاوبێتەوە، بەدوایدا توانی هەنگاوبنێت بۆ گواستنەوە، بەرەو قۆناغی کاری سیاسی ئاشکرا.

پاش ئەوەی کە (رێکخراوی ئیخوان موسلمین)، رووبەڕووی ناکۆکیی و ململانێی ئایدیۆلۆژیی و سیاسی بووەوە، ئیتر کەوتە پەیڕەوییکردنی ئاراستەیەکی توندڕەویی، بەرەو هانابردن بۆ کاری توندوتیژیی، بەرەو بەکارهێنانی هێزو زەبروزەنگ و ئەنجامدانی کردەوەی تیرۆر، بەتایبەتی لەنیوی دووەمی چلەکان و ساڵانی سەرەتای پەنجاکانی سەدەی رابردوو.

print

 301 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*