سەرەکی » هەواڵ » مەکتەبی سیاسی پیرۆزبایی لە حزبی شیوعیی کوردستان دەکات

مەکتەبی سیاسی پیرۆزبایی لە حزبی شیوعیی کوردستان دەکات

*یەکێتی بانگەوازی هەموو هێزە دەربەستەکانی گۆڕەپانی سیاسیی کوردستان دەکات، پێکەوە تەگبیری هاوبەش بکەین بۆ چاککردنی گوزەرانی هاووڵاتیان و چاکسازیی ڕاستەقینەو هەمەلایەنە، لەسەرجەم سێکتەرەکان بە سێکتەری رێککەوتن لەگەڵ حکومەتی ئیتحادیش بۆ دابینکردنی شایستە داراییەکانی خەڵکی کوردستان و تێپەڕاندنی ئەم قەیرانە نەخوازراوە

بەڕێزان/ مەکتەبی سیاسیی حزبی شیوعیی کوردستان

پاش سڵاو…

بەبۆنەی تێپەڕبوونی (27) ساڵ بەسەر پێکهێنانی حزبی شیوعیی کوردستانەوە، پیرۆزبایی گەرمی یەکێتیی نیشتمانیی کوردستان، ئاراستەی ئێوە و تەواوی تێکۆشەرانی حزبی شیوعیی دۆست دەکەین.

پەیوەندییەکانی یەکێتی لەگەڵ حزبی شیوعیی کوردستان و پێشتریش لەگەڵ هاوڕێیانی حزبی شیوعیی عیراق، پەیوەندییەکی هاوخەباتانەی دێرینە، لەسەر دینگەی پتەوی ئامانجە نیشتمانی و نەتەوەیی و دیموکراتییەکان‌و وەک رێبازی فیکریش، لەسەر هاوئامانجی دادپەروەریی کۆمەڵایەتی دامەزراوەو بەردەوامیش دەبێت.

لەم هەلومەرجە دژوارەی ژیان‌و گوزەرانی خەڵکی کوردستانیش، کە پێویستی بە یەکڕیزیی و شاندانە بەر ئەرکە کۆمەڵایەتی و ئابوورییەکان هەیە، یەکێتیی نیشتمانیی کوردستان بانگەوازی حزبە تێکۆشەرەکەتان ‌و هەموو هێزە دەربەستەکانی گۆڕەپانی سیاسیی کوردستان دەکات، پێکەوە تەگبیری هاوبەش بکەین بۆ چاککردنی گوزەرانی هاووڵاتیان و چاکسازیی ڕاستەقینەو هەمەلایەنە، لەسەرجەم سێکتەرەکان بە سێکتەری رێککەوتن لەگەڵ حکومەتی ئیتحادیش بۆ دابینکردنی شایستە داراییەکانی خەڵکی کوردستان و تێپەڕاندنی ئەم قەیرانە نەخوازراوە.

جارێکی تر یادی دامەزراندنی حزبە تێکۆشەرەکەتان پیرۆزبێت.

 

مەکتەبی سیاسیی یەکێتیی نیشتمانیی کوردستان/30/6/2020

print

 83 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*