سەرەکی » زانست » سەعاتی ئەپڵ بەم تەكنیكە روبەڕووی كۆرۆنا دەبێتەوە

سەعاتی ئەپڵ بەم تەكنیكە روبەڕووی كۆرۆنا دەبێتەوە

كۆمپانیای(Apple) تەكنیكێكی نوێی بۆ سەعاتەكانی زیاد كردووە كە بەكارهێنەرانی هاندەدات بۆ ماوەی(20) چركە دەستەكانیان بشۆن.

كۆمپانیای(Apple)لە كۆنگرەی ساڵانەیدا تایبەتمەنیدییەكی نوێ بۆ سەعاتەكانی و چەند گۆرانكارییەكی نوێی ئاشكراكردووە.

وتەبێژی كۆمپانیاكەش ئەوەی ڕاگەیاندووە كە دەستشتنێكی ڕاستودروست ئەوەیە كە ماوەی (20)چركە بخایەنێت، چونكە ئەو شێوازە یارمەتیدەرێكی باشە بۆ ڕێگریی لە بڵاوبوونەوەی ڤایرۆس و نەخۆشییەكان بە تایبەتیش ڤایرۆسی (كۆڤید-19) كە بەجیهاندا بڵاوبووەتەوە و ژیانی هەمووانی خستووەتە مەترسییەوە.

ئەو تەكنیكە سەرنجی خستووتە سەر هەستەوەرەكانی جووڵە و مایكرۆفۆن و ئامێری فێركردن بۆ ئەوەی كەسێك بتوانێت سەعاتەكەی بخاتە سەر (20)چركە و گەر ماوەی دەستشتنەكەی كەمتر بێت سەعاتەكە ئاگاداری دەكاتەوە.

كۆمپانیای ئەپڵ تەكنیكی نوێی شووشتنی دەستی بە داهێنانێك وەسف كرد كە یەكەمە لە جۆری خۆی لەو تەكنەلۆجیایانەی كە دەتوانرێت لەدەست بكرێن و ئەمەش یەكانگیرە لەگەڵ ئەپڵیكەیشنی تەندروستیی كە لە ناو ئامێرەكانی ئایفۆندا هەیە.

هەروەها كۆمپانیاكە ڕونیشكردەوە كە ئەو تەكنیكە بەشێكە لەو زنجیرە داهێنانەی كە دیزاینكراون بۆ یارمەتیدانی كەسەكان لە كاتی گەڕانەوەیان بۆ شوێنی كارەكانیان، دوای ئەوەی ڤایرۆسی كۆرۆنا بووە هۆی ئەوەی لە سەرانسەری جیهاندا خەڵك بۆ ماوەیەكی زۆر لە ماڵەكانیاندا بمێننەوە.

كۆمپانیاكە ئاماژەی بەوەشدا ئەو تەكنیكە نوێیە ئاسانكاری دەكات بۆ بەكاربەران تا بیریان ێت لەكاتی گەڕانەوەیان بۆ ماڵەوە دەستیان بشۆن.هەروەها ئەپڵیكەیشنی تەندروستی تایبەت بە تەلەفۆنە زیرەكەكانی(i phone)یش ژمارە و ماوەی دەستشتنەكان دەردەخات و هەندێك زانیاریش دەخاتە ڕوو سەبارەت بە گرنگیی پاكوخاوێنی دەستەكان بە ڕەچاوكردنی كاریگەریی دەستشتن لەسەر تەندروستیی گشتیی.

هەر لەو كۆنگرەیەدا چەند تازەكارییەكی تر لە (Apple Watch) خراوەتەڕوو لەوانە گۆڕینی ڕووكاری سەعاتەكە و هەروەها هەماهەنگ بوون لەگەڵ ئەو ئاوازانەی لە پرۆگرامیی لەش ڕێكیدا دانراوە و چاودێریكردنی ماوەی پێویستی خەوتنی بەكاربەران.

 

سەرچاوە:CNN

print

 189 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*