سەرەکی » هەمەڕەنگ » سلێمانی، یادی رۆژی جیهانیی سینەما كرایەوە

سلێمانی، یادی رۆژی جیهانیی سینەما كرایەوە

ئێوارەی رۆژی 28/12/2020 لەهۆڵی تەلاری هونەر، بەشی هونەری سینەمای سلێمانی سەر بە بەڕێوەبەرایەتی گشتیی رۆشنبیریی و هونەری سلێمانی، مەراسیمێكی تایبەت بەو رۆژەی ڕێكخست.

لە سەرەتای مەراسیمەكەدا گروپی میوزیكی لوڕ چەند بەرهەمێكی هونەرییان پێشكەش كرد. دواتر وتاری بەڕێوەبەرایەتیی سینەما و وەزارەتی رۆشنبیریی پێشكەشكران.

پاشان خەڵاتی خۆری ئاڵتوونیی پێشكەش بە سێ هونەرمەندی داهێنەر لەبواری سینەمادا كرا.

لە بەشێكی تری مەراسیمەكەدا خەڵاتی رێزلێنانی تایبەتی بەڕێوەبەرایەتی سینەمای سلێمانی پێشكەش بە خانەوادەی هەردوو هونەرمەندی كۆچكردوو (ئاسۆ عومەر سوارە و پشتیوان نوری بەدەوی) كرا.

لەكۆتایی مەراسیمەكەشدا چوار كورتە فیلم پێشكەشكران كە سەرجەمیان لەلایەن بەشی هونەری سینەمای سلێمانی-یەوە بەرهەمهێنرابوون.

دوێنێش، لە كۆتا رۆژی چالاكییەكانی یادی رۆژی جیهانیی سینەمادا، چەند فیلمێكی سینەماكاران و ئەكتەرانی كورد نمایشكران.

ڤینۆس تۆفیق

 218 جار بینراوە