سەرەکی » وەرزش » رۆناڵدۆ ریكۆردێكی ناوازە یەكسان دەكاتەوە

رۆناڵدۆ ریكۆردێكی ناوازە یەكسان دەكاتەوە

كریستیانۆ رۆناڵدۆی ئەستێرەی یانەی یۆڤانتۆس بەردەوامە لەسەر نووسینەوەی مێژوو و تۆماركردنی ریكۆردی نوێ و ئەمجارەش توانی ریكۆردێكی نوێ یەكسان بكاتەوە كە پێگەیەكی تایبەتی لە مێژووی تۆپی پێ پێدەبەخشێت.

رۆناڵدۆ لەدوا یاری یانەكەی بەرامبەر بە ساسۆلۆ گۆڵێكی كرد و ژمارەی گۆڵەكانی لە كاروانی وەرزشی گەیاندە 759 گۆڵ و ریكۆردی جۆزیف بیكانی یەكسان كردەوە.

جۆزیف بیكان گۆڵكەری مێژوویی تۆپی پێیە لە یارییە رەسمیەكان و رۆناڵدۆش دوای گەیشتن ئەو ژمارەیە توانی ئەو ریكۆردە یەكسان بكاتەوەو پێویستی بە تەنها گۆڵێكی ترە بۆ ئەوەی بە تەنها ببێتە گۆڵكەری مێژوویی تۆپی پێ.

رۆناڵدۆ ئەو ژمارە گۆڵەی لەگەڵ 4 یانەو هەڵبژاردەی پرتوگال كردوە كە لەگەڵ سپۆرتینگ لیشبۆنە 5 گۆڵ و لەگەڵ مان یونایتد 118 گۆڵ و لەگەڵ ریاڵ مەدرید 450 گۆڵ و لەگەڵ یۆڤی 84 گۆڵ و لەگەڵ هەڵبژاردەكەشی 102 گۆڵی كردوە.

رۆناڵدۆ لە پێش پێلێ 757 گۆڵ و رۆماریۆ 745 گۆڵ و لیۆنێل مێسی 719 گۆڵ دێت كە ئەمەی دواییە تاكە هەڕەشەیە لەبەردەم ریكۆردی رۆناڵدۆ و مەترسیە بۆ ئەوەی لە داهاتوو ئەو ریكۆردە بشكێنێت بەتایبەت كە تەمەنی 2 ساڵ لە رۆناڵدۆ بچوكترە.

رۆناڵدۆ ئەو ژمارە گۆڵەی لە 1037 یاری تۆماركردوە و 222 ئەسیستیشی بۆ هاوڕێكانی كردوەو لەبەرامبەردا مێسی لە 894 یاری ئەو ژمارە گۆڵەی كردوەو 304 ئەسیستیشی هەیە.

 41 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*