سەرەکی » ئابووری » داهاتی فڕۆكەخانەی سلێمانی کەمبۆتەوە

داهاتی فڕۆكەخانەی سلێمانی کەمبۆتەوە

ئەندازیار تاهیر عەبدوڵڵا، بەڕێوەبەری گشتیی فڕۆكەخانەی نێودەوڵەتیی سلێمانی دەڵێت: «بەهۆی كۆرۆناوە بەراورد بە ساڵانی پێشوو داهاتی فڕۆكەخانە لەسەدا 30 بۆ لەسەدا 35 دابەزیووە». ئاشكراشیدەكات، بەراورد بە ساڵانی رابردوو، نزیكەی لەسەدا 60 گەشتەكان دەستیپێكردۆتەوە.

بەڕێوەبەری گشتیی فڕۆكەخانەی نێودەوڵەتیی سلێمانی، بە دەنگی ئەمریكای رایگەیاندووە، لە مانگی ئەیلولی ساڵی 2020ەوە وردە وردە گەشتەكان دەستیپێكردۆتەوە، بەڵام تائێستا گەشتەكان نەگەیشتۆتە باری ئاسایی خۆی.

ئاماژەی بەوەشكردووە، تا ئێستا وەرگرتنی ڤاكسینی كۆرۆنا لە فڕۆكەخانەی نێودەوڵەتیی سلێمانی نەكراوەتە مەرج بۆ گەشتكردن، چونكە ژمارەیەكی كەم خەڵك ڤاكسینیان وەرگرتوە، بەڵام پشكنینی (پی سی ئاڕ) بووە بە مەرج و هەركاتێك حكومەتی عیراق یان حكومەتی هەرێم ئەو مەرجەیان دانا، ئێمەش جێبەجێی دەكەین.

ئەوەشی خستۆتەڕوو، رێكارەكانی خۆپارێزی لە كۆرۆنا تا ئێستاش توندە، بۆیە بۆ ئەم قۆناغە خەڵكێكی كەم گەشت دەكات و لەو باوەڕەدام ئەگەر لەئایندەیەكی نزیكدا تەواوی وڵاتان ڤاكسین بەكاربهێنن و بتوانن بەرگری لە كۆرۆنا بكەن، خەڵكێكی زۆر گەشت دەكات و گەشتەكان زیاتر فراوان دەبێت.

 330 جار بینراوە