سەرەکی » کەلتوور » سەراب

سەراب

پێشكەشە بە رۆحی پشتیوان نوری بەدەوی

هەواڵ گیان بگری وەختی گریانە
ئێستا كێ‌ وەك تۆ بێ‌ پشتیوانە
تێر بگری بۆ ئەو پێشمەرگە جوانە
كەی وادەی كۆچ و لێك دابڕانە؟!

خۆزگە ئەمتوانی مردن رابگرم
تا دڵی كانی و لانی رابگرم
من چۆن بتوانم ژیریان كەمەوە
چۆن دڵنەوایی تۆ بدەمەوە

بگری كوردستان تۆش بۆ رۆڵەكەت
بۆ پێشمەرگەكەی گەردەلوولەكەت
سەرتەختەی شانۆ چۆڵ و خامۆشە
شانۆ و دراما دوای تۆ ناخۆشە

خۆ زۆرت مابوو تۆ لە گەڵمانا
زوو رۆشتی داخت نا بە دڵمانا
لە یادت ناكەین تۆ دڵنیابە
پەیامت جێهێشت دنیا سەرابە

ئیسماعیل محەمەد
شوباتی 2018

• سەراب ناوی دوایین زنجیرە درامایە كە هونەرمەند(پشتیوانی نوری بەدەوی) كاری تیا كرد و مەرگ ماوەی نەدا لە سەر شاشەكانی تیڤی بیبینێتەوە.
• كانی و لانی ناوی هەردوو كچەكەی هونەرمەندە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*