سەرەکی » وەرزش » ئینێستا له‌ به‌رده‌م ریكۆردێكی مێژوویی دایه‌

ئینێستا له‌ به‌رده‌م ریكۆردێكی مێژوویی دایه‌

یانه‌ی‌ بارسێلۆنای ئیسپانی له‌ قۆناغی چاره‌كی كۆتایی چامپیۆنس لیگ رووبه‌ڕووی یانه‌ی‌ رۆمای ئیتاڵی ده‌بێته‌وه‌و له‌و 2 یارییه‌شدا ئه‌ندرێس ئینێستای كاپتنی یانه‌كه‌ له‌به‌رده‌م ریكۆردێكی مێژوویی دایه‌، ئه‌مه‌ش ئه‌گه‌ر بێت و به‌شداری بكات.
ئینێستا ئه‌گه‌ر له‌ یاری چون و گه‌ڕانه‌وه‌ به‌شداری بكات ئه‌وا ده‌بێته‌ خاوه‌نی زۆرترین یاری له‌ قۆناغی چاره‌كی كۆتایی له‌ مێژووی چامپیۆنس لیگ.
ئێستا رایان گیگزی ئه‌ستێره‌ی پێشووی مان یونایتد و چاڤی هێرناندێزی ئه‌ستێره‌ی پێشووی بارسا به‌ ئه‌نجامدانی 21 یاری له‌و قۆناغه‌ پێشه‌نگی ریزبه‌ندی ئه‌و یاریزانانه‌یان گرتووه‌ كه‌ له‌و قۆناغه‌ یارییان كردوه‌و ئه‌ندرێس ئینێستا خاوه‌نی 20 یارییه‌و له‌ پله‌ی دووه‌مدا دێت.
ئینێستا پێش ئه‌م وه‌رزه‌ له‌گه‌ڵ یانه‌كه‌ی‌ 11 وه‌رزه‌ ده‌گاته‌ قۆناغی چاره‌كی كۆتایی و كه‌ له‌ 20 یاری به‌شداری كردوه‌و له‌و ماوه‌یه‌شدا یانه‌كه‌ی توانیویه‌تی 4 جار نازناوی چامپیۆنس لیگ بباته‌وه‌.
له‌ ئه‌گه‌ری به‌شداری كردنیشی له‌ 2 یاری ئه‌م وه‌رزه‌دا ئه‌وا ئینێستا ده‌بێته‌ خاوه‌نی زۆرترین یاری له‌ قۆناغی چاره‌كی كۆتایی، ئه‌گه‌ر توشی پێكانیش نه‌بێت ئه‌وا پاڵێوراوه‌ بۆ ئه‌وه‌ی‌ هه‌ردوو یارییه‌كه‌ به‌شداری بكات.

print

 87 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*