سەرەکی » دۆسێ » وتوێژەكان بۆ گەیشتن بە چارەسەر لە یەمەن بەردەوامن

ئاگربەست شكێنرا

وتوێژەكان بۆ گەیشتن بە چارەسەر لە یەمەن بەردەوامن

لەگەڵ داڕمانی ئاگربەست، مارتن گرێفیت نێردەی نەتەوە یەكگرتووەكتن بۆ یەمەن، بەردەوامە لە وتوێژەكانی لەگەڵ لایەنە بەشەڕهاتووەكانی وڵاتەكە، ئەمەش بۆ كۆتایی هێنان بەو ناكۆكیانەی لەبارەی شاری حودەیدەوە هەیە، لەگەڵ رێخكخستنی گەڕێكی تری وتوێژەكاننی ئاشتی كە بڕیارە لە سوید سازبكرێن. ئەمەش لەكاتێكدایە كە حوسییەكان دەستپپێكردنەوەی هێرشەكانیان بە موشەكە بالیستییەكان لەڕێی سنورەكانی سعودیەوە راگەیاند.
مارتن گریفیت، نێردەی نێونەتەوەیی بۆ یەمەن، وتوێژی لەگەڵ دەسەڵاتدارانی سعودیە كردووە لە ریاز بۆ گەیشتن بە هێوركردنەوەی رەوشەكە لە بەرەكانی شەڕ لە شاری حودەیدە و ناوچەكانی تری رووبەڕبوونەوەی نێوان حوسییەكان و هێزە حكومییەكانی یەمەن.
تەنگژە سەربازییە وشكانی و ئاسمانییەكان گەیشتنە ترۆپك لە دەوروبەری شاری حودەیدەی كەناردەریا، و شریتی سنوری لەگەڵ سعودیە، و بەرەكانی شەڕ لە ناوخۆ لە شارەكانی تەعز، و زاڵع، و بەیزا و جەوف، و مەئرب.
سەرچاوە ئاگادارەكان دەڵێن، نێردە نێونەتەوەییەكە چاوی بە بەرپرپرسانی حكومەتی یەمەنی و وەفدی دانوستانكاری حوسییەكان كەوتووە تا بەندەری حودەیدە لە شەڕوپێكدادانەكان بەدووربگرێت تا ئەو كاتەی كاروبارەكان بۆ دەستپێكردنی وتوێژە چاوەڕوانكراوەكەی سوید دەستپێدەكات، ئەمەش دوای ئەوەی گەڕی توێژەكانی نێوان حكومەتی یەمەن و حوسییەكان لە سەرەتای مانگی ئەیلولی رابردوو لە جنێڤ شكستیهێنا.
گرێفیت گەیشتوبووە ریاز دوای ئەوەی وتوێژێكی قورسلا لەگەڵ حوسییەكان و هاوپەیمانەكانی لە سەنعا تەواوكردبوو كە تێیدا لەگەڵ عەبدولمەلیك حوسی سەركردەی حوسییەكان، و مەهدی مەشات سەرۆكی ئەنجومەنی حوكم، و بەرپرسانی باڵای حزبی (انصار الله) و وەفدی دانوستانكاریی حكومەتەكەیان (لەسەر ئاستی نێودەوڵەتی دانپێدانراو نییە) كۆبووبۆوە.

دەستپێكردنەوەی هێرشە بالیستییەكان
لەگەڵ دەستپێكردنەوەی ئۆپەراسیۆنە سەربازییەكان و شەڕوپێكدادانەكان، ئاستەنگەكان لەبەردەم هەوڵەكانی نێردەی نەتەوە یەكگرتووەكان بۆ دەستكردن بە دانوستانی فراوان بۆ بەرگرتن بە تەنگژە سەربازییەكان لە ساری حویدەیدە زیاتر دەبێت كە لێوەی زۆربەی یارمەتییە مرۆییەكان دەگەنە وڵاتەكە، وێڕای تەگەرە دروستبوون لەبەردەم هەوڵەكانی ئاشتی كە بۆ دووچاڵ دەچێت لەگەڕكەوتوون.
سەرچاوە مەیدانییەكان بە (فرانس پرێس)یان راگەیاندووە، تەقینەوەی بەهێز گەڕەكانی خۆرهەڵاتی شاری حودەیدەی كەناردەریای هەژاندووە، دوای دوو هەفتە لە گەیشتن بە ئاگربەستێكی فشەڵ كە بە هەوڵی نەتەوە یەكگرتووەكان بەئەنجام گەیشتبوو.
ئەمەش لەكاتێكدایە، حوسییەكان دەستیانكردۆتەوە بە هێرشە بالسیستییەكانیان لەڕێی سنورەكانی سعودیە كە هاوكاتە لەگەڵ هەڵكشانێكی گەورەی جەنگی هاوپەیمانەكانی حكومەتەكەی عەبد رەبە مەسنور هادی (لەسەر ئاستی نێودەوڵەتی دانپێدانراوە) بەرەو پێگە سەرەكییەكانی حوسییەكان لە پارێزگاكانی سەعدە و حوجە».
حوسییەكان دەڵێن، هێزە موشەكییەكانیان سەربازگەیەكی هاوپەیمانی عەرەبی بە سەركردایەتی سعودیەیان لە ناوچەی عەسیری سعودیە كردۆتە ئامانج، لەگەڵ بەئامانجگرتنی هێزە حكومییەكان لە دەروازەی خۆرهەڵاتی سەنعای پایتەخت، ئەمەش دوای هەفتەیەك لە راگەیاندنی ئاگربەست و راگرتنی ئۆپەراسیۆنە جەنگییەكان كە لەسەر داوای مارتن گرۆێفیت نێردەی نێونەتەوەیی بوو.

زیاتر لە 100 هێرشی ئاسمانی بۆسەر پارێزگاكانی یەمەن
لەو دەمەوە فڕۆكە جەنگییەكان و هێلیكۆپتەرەكانی هاوپەیمانی عەرەبی بە سەركردایەتی سعودیە، زیاتر لە 100 هێرشی ئاسمانیان بۆ پاڵپشتی لە هێزە حكومییەكان و هاوپەیمانەكانی ئەنجامدا كە لێوەی پێگەكانی حوسییەكانیان لە پارێزگاكانی حودەیدە، و سەعدە، و حوجە كردبووە ئامانج، حوسییەكانیش لەو بارەیەوە ئاماژەیان بە كوژرانی لانی كەم 11 مەدەنی و برینداربوونی دەیانی تر كردبوو.
هاوپەیمانانی حكومەتی یەمەنی دەڵێن، پێشكەوتنی مەیدانی گرنگ لە خۆرئاوای پارێزگای سەعدە هاتۆتەدی، و توانراوە بەڕێوەبەرایەتی زاهیری هاوسنوری شترۆچكەی حیدان كە زێدی عەبدولمەلیك حوسی سەركردەی حوسییەكانە، كۆنترۆڵ بكرێت.
سەرچاوەیەكی سەربازی رایگەیاندبوو، هێزە حكومییەكان دەستییان گرتووە بەسەر كۆمەڵگەیەكی حكومی و ئیدارەی ئاسایشدا لە شاری مەلاحیت، ئەمەش لە چوارچێوەی ئۆپەراسیۆنێكی فراوان بۆ كۆنترۆڵكردنەوەی بەڕێوەبەرایەتی زاهر كە هاوسنورە لەگەڵ ناوچەی جازان.
هەروەها هاوپەیمانانی حكومەت دەڵێن، دەستكەوتی سەربازی نوێ‌ لە هەردوو بەڕێوەبەرایەتی كتاف و باقمی خۆرهەڵات و باكووری پارێزگای سەعدە هاتۆتەدی كە هاوسنورەن لەگەڵ هەردوو ناوچەی نەجران و عەسیری سعودی.
لە پارێزگاكانی لەحج، و تەعز و زاڵع، شەڕوپێكدانی توند و بۆردومانی تۆپ و موشەكی لەنێوان هەردوو لایەنی ناكۆكدا رویاندا، ئەمەش لە چوارچێوەی هەوڵی هاوپەیمانەكانی حكومەت بۆ دروستكردنی گوشاری گەورە لەپێناو كۆنترۆڵكردنەوەی زۆرێك لەو ناوچانەی كە بۆ چوار ساڵ دەچێت لەلایەن حوسییەكانەوە دەستییان بەسەردا گیراوە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

دۆسێی جەنگی هواوی

لێرەوە هەموو ماجەراکانی تەنگژەكەی هواوی بزانە ئەم دوو توێیە چەند ...