سەرەکی » وەرزش » قوربانییەكی تری رالی داكار

قوربانییەكی تری رالی داكار

رالی داكار كە بەناوبانگترین رالی بیابانە لە جیهاندا و ئەمساڵ بۆ یەكەم جار لە سعودیە بەڕێوەچوو قوربانیەكی تری بەخۆوە بینی، ئەمەش سەرەڕای ئەوەی چەند رۆژێكە پاڵەوانێتییەكە كۆتایی هاتوە.
هاوسەر ئیدوین شتراڤەری ماتۆڕسواری بەشداری رالی داكار رایگەیاند كە هاوسەرەكەی بەهۆی كاریگەری برینەكانی گیانی لە دەستداوە.
ئیدوین لە قۆناغی 11 كە قۆناغی پێش كۆتایی بوو دووچاری رووداو هات و توشی شكان بوو لە بڕبڕەی پشتی و بەهۆیەوە بە فڕۆكە گوازرایەوە بۆ نەخۆشخانە و دوای چەند رۆژێك مانەوە لە بەشی چاودێری ورد رەوانەی هۆڵەندا كرایەوە.
سەبارەت بە دۆخی ئیدوین هاوسەرەكەی وتی: ئیدوین دوای ملاملانێیەكی زۆر لەنێو خێزانەكەی گیانی لەدەستدا، بەهۆی رووداوەكە ئیدوین هەموو شتێكی لەدەستدابوو تەنها لە رێگەی ئامێرێكەوە دەیتوانی هەناسە بدات.
ئەمەش دووەم رووداوی گیان لەدەستدان بوو لە رالی داكاری ئەمساڵ كە لە قۆناغی حەوتەمیش ماتۆڕسوارێكی تر گیانی لەدەستدا.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*