سەرەکی » ئاراستە » پەیامێك لە هاوڕێیانی گروپی شانۆی (ناوەندی كاژاوی كوڕان) ەوەپەڕە 2

پەیامێك لە هاوڕێیانی گروپی شانۆی (ناوەندی كاژاوی كوڕان) ەوە

ناوەڕاستی ساڵانی حەفتای سەدەی رابردوو ، گروپێكی شانۆیی لە خوێندنگەی (ناوەندی كاژاوی كوڕان) بەهەوڵ و كۆششی كۆمەڵێك خوێندكاری خوێن گەرم و چالاكی ئەو سەردەمەی خوێندنگەكە دروستبوو.
هونەرمەندی خوالێخۆشبوو ئاسۆ عمر سوارە) یەكێك بوو لە ئەندامە چالاك و بەتواناكانی ئەو گروپە شانۆییە (شانۆی كاژاو ، هەروەها شانۆی چالاكی قوتابخانەكان) .
دەكرێ بەیەكەم دەركەوتن و درەوشانەوەی راستەقینەی بەهرەو تاوناكانی كاكە ئاسۆ لەقەڵم بدرێت ، هەر لەو سەرەتا گەشەوە ئێمەی ئەندامانی گروپەكە هەستمان بەتوانا و لێهاتویی ئەم هونەرمەندە كرد.
ئەو سەردەمە هەم لەخوێندنگەی كاژاوو هەم بۆ وەرزی چالاكی قوتابخانەكان گروپەكەمان دەبوایە بەرهەمی شانۆیی ئامادە بكات ، بۆ ئەم مەبەستەش كاكە ئاسۆ یەكێك بوو لەو خوێندكارە بەهرەمەند و چالاكانەی هەمیشە ئامادەیی خۆی نیشان ئەداو بەگیانێكی داهێنەرانەوە بەشداری چالاكیەكانی دەكرد.
ئەو شانۆگەری و ئۆپەرێتانەی كاكە ئاسۆ رۆڵی جوانی تێدا بینین ئەمانەبوون:-
1- شانۆیی (زەرفە شین) نوسینی تاهیر صالح سعید ، دەرهێنانی جمال غەمبار.
2- شانۆیی (دایكی فەلەستین) ئامادەكردن و دەرهێنانی جەمال غەمبار. ئەم شانۆییە لە كۆمەڵە شیعری (شێركۆ بێكەس ، محمود دەروێش ، جمال غەمبار ، مامۆستا سەلام مەنمی) وەرگیراوە.
3- ئۆپەرێتی (وەرزی سەرهەڵدانی فەرهاد) لەنوسینی انور قادر جاف ، دەرهێنانی مامۆستا ئازاد جلال ، ئەم ئۆپەرێتە لەگەڵ ئامادەیی سلێمانی كچانی ئێواران لە چالاكی قوتابخانەكان پێشكەش كرا لەو ساڵەدا لەسەر ئاستی قوتابخانەكان دووەمی سلێمانی بوو.
4- شانۆیی (بەرەو ڕوناكی) ئامادەكردن و دەرهێنانی جەمال غەمبار ، ئەم شانۆییە لە هەوێنی شیعری (مامۆستا ع.ح.ب) وەرگیراوە.
شایەنی باسیشە كە خانەوادەی بەڕێزی كاكە ئاسۆ بەتایبەتی مامۆستا عمری باوك هاندەرێكی سەرەكی بوو بۆ ئەوو بۆ ئێمەش ئیتر ئەوە سرەەتایەكی رۆشنبوو بۆ ئەوەی كاكە ئاسۆ داهێنانی خۆی پەرەپێبدات و ساڵانێكی دواتر ببێتە ئەستێرەیەكی گەشی شانۆ و درامای كوردی.
گروپی شانۆی ناوەندی كاژاوی كوڕان جگە لە ئكاك ئاسۆی خوالێخۆشبوو پێكهاتبوو لەهەریەك لەم بەڕێزانە (جەمال غەمبار ، بەهادین ابراهیم ، شەهید ئاوات عبدالرزاق ، بێستونی ئەحە رەش ، كریم عبدالله كە ناسراوە بە كریم بەگ ، دكتۆر یاسین كریم أمین ، كامەران صالح كارگەچی ، بایز محمود) .
ئێمە وەك گروپی شانۆیی كاژاو شانازی دەكەین كە رۆژانێك هاوسەفەری داهێنانی هونەری كاكە ئاسۆ بوین، مەرگی ناوەندەی كاكە ئاسۆ زامێكە وا زوو ساڕێژ نابێت و ئاگری خەمێكە وا زوو دانامركێتەوە.
لەخوای پەروەردگار دەپاڕێینەوە سەبوری هەموومان بدات كاكە ئاسۆ بە خەرمانێك داهێنانی هونەرییەوە نەمری بۆ خۆی تۆمار كرد.
سڵاو لەگیانی چاكی ئەم هونەرمەندە گەورەیە.

گروپی شانۆیی كاژاوی كوڕان

print

 85 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*