سەرەکی » مانشێت » ژیاننامەی هاوسەرۆكی یەكێتی

ژیاننامەی هاوسەرۆكی یەكێتی

ژیاننامەی بافڵ تاڵەبانی

*بافڵ جەلال حسامەدین تاڵەبانی.
*ساڵی 1973 لەبەغدا لەدایكبووە.
*بافڵ، كوڕە گەورەی جەلال تاڵەبانی و هێرۆ ئیبراهیم ئەحمەدە و برای قوباد تاڵەبانییە.
* بەناوی بافڵەكەی چەمی رێزانەوە ناونراوە.
*ژیانی منداڵی و گەنجێتی لە ماڵی برایم ئەحمەدی باپیری لە بەریتانیا بەسەربردووە.
*تەمەنی گەنجێتی زیاتر بە خوێندنەوە و وەرزشەوە بەسەربردووە.
*هاوسەرەكەی ناوی لاڤەیە و كچی مەلا بەختیار ئەندامی ئەنجومەنی باڵای سیاسی‌و بەرژەوەندیی یەكێتییە.
*كوڕ و كچێكی هەیە بەناوەكانی كۆبان و لەیلا.
*زۆر كەم لە تەلەفزیۆنەكانەوە دەردەكەوێت و لەبارەی وردەكاریی ژیانییەوە، كەم دەزانرێت.
*بەرپرسی نووسینگەی سكرتاریەتی تاڵەبانی بووە.
*ساڵی 1996 بەشداری لەڕاهێنانەكانی فەیلەقی بیانی فەرەنسادا كردووە.
*ساڵی 1998 یەكێك بووە لە بەشداربووانی راهێنانە سەربازییەكانی بەریتانیا.
*ساڵی 2000 بەشداری لەڕاهێنانی هێزە تایبەتییەكانی ئەمریكادا كردووە.
*لە ئەمریكاو بەریتانیا ستراتیژی سیاسی خوێندووە.
*یەكەمجار وەك وەرگێڕ لەگەڵ هێزەكانی ئەمریكا گەڕاوەتەوە بۆ كوردستان.
*لەگەڵ لاهور شێخ جەنگی ئامۆزای، دەزگای دژەتیرۆری دامەزراندووەو بەرپرسی كاروباری دژەتیرۆری كوردستان بووە.
*لەدوای كۆچی دوایی مام جەلال و گەڕانەوەی تەرمەكەی بۆ شاری سلێمانی، بافڵ تاڵەبانی زیاتر لە جاران دەردەكەوت و بە ئاڕاستەی یەكخستنەوەی ناوماڵی یەكێتی، كاری دەكرد.
*دەنگە ناڕازییەكانی ناو یەكێتی و دەرەوەی یەكێتی ئاشتكردەوە.
*رۆڵی لەدانانی سەرۆك كۆماری عیراقدا هەبووە.
*تا كۆنگرەی چوارەمی یەكێتی، هیچ پۆستێكی لەناو یەكێتیدا نەبووە.
*هەر لەو كۆنگرەیەدا بە 791 دەنگ بە ئەندامی سەركردایەتی هەڵبژێردرا.
*لە 18ی شوباتی 2020 بە زۆرینەی دەنگی ئەندامانی ئەنجومەنی سەركردایەتی؛ لەگەڵ لاهور شێخ جەنگی، بە هاوسەرۆكی یەكێتی هەڵبژێردران.

ژیاننامەی لاهور شێخ جەنگی

*ساڵی 1975 لەدایك بووە
*ساڵی 1984 لەگەڵ خانەوادەكەی روویان لەناوچەی گوێزیلە كردووە و بەشداری راستەوخۆی شۆڕشی نوێی گەلی كوردیان كردووە.
*لەناوچەی هەڵەدن بەهۆی بۆردوومانی خوێندنگەكەیان لەپرۆسەی خوێندن دادەبڕێت.
*دواتر خانەوادەكەی روویان لە ئێران كردووە و لاهور شێخ جەنگی بۆ ماوەی دوو ساڵ لەشاری ورمێ درێژەی بەپرۆسەی خوێندن داوە.
*لەسەرەتای ساڵی نەوەدەكان دەچێتە وڵاتی بەریتانیا.
*بەهۆی لێهاتووی و زیرەكی لەبەریتانیا چەند ساڵێك لەخوێندن پێشدەخرێت.
*سەرۆك مام جەلال بۆ زۆرێك لەدیدارو كۆبوونەوە نێودەوڵەتییەكان و كۆبوونەوەی وەفدە بیانییەكان لاهور شێخ جەنگی لەگەڵ خۆی بردووە.
*ساڵی 1999 بۆ 2002 جێگری نوێنەری یەكێتی بووە لە توركیا.
*دوای گەڕانەوەی بۆ كوردستان بەردەوام لە نزیكی سەرۆك مام جەلال بووە.
*دواتر دەگەڕێتەوە هەرێمی كوردستان و لەگەڵ هێزەكانی ئەمریكا كاردەكات.
*لەهێرشی سوپای ئەمریكا بۆ لەناوبردنی رژێمی بەعس و پرسی بەرەنگاربوونەوەی تیرۆر بەردەوام لەگەڵ هێزەكانی ئەمریكا كاری كردووە.
*لەدوای سەرهەڵدانی گروپی تیرۆریستی جوندلوئیسلام، هەماهەنگی نێوان لاهور شێخ جەنگی و هێزەكانی ئەمریكا زیاتر دەبێت.
*لەپرۆسەی ئازادیی عیراق و كۆنتڕۆڵی شاری كەركوك بەهاوبەشی پێشمەرگە و سوپای ئەمریكا، رۆڵی گەورەی هەبووە.
*لەدوای پرۆسەی ئازادیی عیراق، بەسەرپەرشتی هێزەكانی دژە تیرۆر، لەكەركوك و خورماتوو و ناوچەكانی تر بەردەوام بووە لەڕاوەدوونانی تیرۆریستان.
*لەدوای ساڵی 2003 و بەپشتیوانی سەرۆك مام جەلال و هێزەكانی هاوپەیمانان، لاهور شێخ جەنگی و بافڵ تاڵەبانی بۆ پاراستنی هەرێمی كوردستان و بەرەنگاربوونەوەی تیرۆر، هێزی دژە تیرۆر دادەمەزرێنن.
*بەشداریی چەندین مەشق و راهێنانی هێزەكانی ئەمریكای كردووە.
*لاهور شێخ جەنگی، لەجەنگی دژ بەتیرۆریستان، سەرپەرشتی راستەوخۆی زۆرێك لەڕووبەڕووبوونەوەكانی كردووە.
*سەرپەرشتی كۆنتڕۆڵكردنەوەی زۆرێك لەناوچەكانی هەرێمی كوردستان و ناوچە جێناكۆكەكانی كردووە.
*لاهور شێخ جەنگی، بەئەندازیاری دروستكردنی پردی پەیوەندی نێوان رۆژئاوای كوردستان و هێزەكانی ئەمریكاو هاوپەیمانی نێودەوڵەتی، دەناسرێت.
*چەندین جار لەكۆبوونەوەكانی لەگەڵ برێت مەكگۆرك نێردەی پێشووی سەرۆكی ئەمریكا بۆ جەنگی دژی داعش، پێشنیازو داوای پاڵپشتیكردنی رۆژئاوای كوردستانی؛ لێكردوون.
*لەسەر پێشنیازی لاهور شێخ جەنگی، ئەمریكا بڕیاریدا كاروانی هاوكاریی سەربازی بۆ شەڕڤانان رەوانە بكات.
*لەسەر ئاستی حزبی، لەدوای نەخۆشكەوتن و كۆچی دوایی سەرۆك مام جەلال، لاهور شێخ جەنگی، هاوشان لەگەڵ بافڵ تاڵەبانی، رۆڵی سەرەكی بینی لەبەهێزكردنەوەی یەكێتی.
*بەردەوام لەهەوڵی بێوچاندا بوو بۆ یەكخستنەوەی یەكێتی و بەستنی كۆنگرەی یەكێتی.
*رۆژی 18/2/2020 لەگەڵ بافڵ تاڵەبانی بە هاوسەرۆكی (ی.ن.ك) هەڵبژێردران.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*