سەرەکی » هەمەڕەنگ » فیلمێكی دیكۆمێنتاری بۆ فوئاد ئەحمەد

فیلمێكی دیكۆمێنتاری بۆ فوئاد ئەحمەد

هەولێر: تەها عەبدوڵڵا

بۆ یەكەمجار كەناڵی هەولێری گەلی كوردستان فیلمێكی دیكۆمێنتاری لەبارەی ژیانی هونەرمەندی كۆچكردوو فوئاد ئەحمەد بەرهەم دەهێنێت، لە ئامادەكردن‌و دەرهێنانی ستار ئەمین و وێنەگرتن و مۆنتاژی سامی كەمالە.

ستار ئەمین دەرهێنەری فیلمەكە بە كوردستانی نوێی راگەیاند: فیلمە دیکۆمێنتارییەکە بەمەبەستی كۆكردنەوەی گۆرانی و بەرهەمەكانی هونەرمەندی كۆچكردوو فوئاد ئەحمەد ئامادە دەکرێت.

وتیشی: فیلمەكە نزیكەی چل و پێنج خولەک دەبێت وێنەگرتنی تەواو بووە و لە قۆناغی مۆنتاژ کردندایە.

باسی لەوەشکرد، زانیارییەكانی ژیانی هونەرمەند فوئاد ئەحمەد لە ئەندامانی خێزانەكەی‌و هونەرمەندانی هاوڕێی كۆچكردوو وەرگیراوە، بەتایبەت ئاواز دانەرەكان و شاعیرو میوزیكژەنەكانی ئەو سەردەمە.

كامەران فوئاد کوڕی هونەرمەندی کۆچکردوو بە کوردستانی نوێی راگەیاند، گەلی کوردستان یەکەم کەناڵە کار لەسەر ژیانی هونەریی باوکی دەکات.

فوئاد ئەحمەد یەکێکە لە گۆرانیبێژە رەسەنەکانی کوردستان، لە ساڵی 1932 لە گوندی عەوێنەی شاری هەولێر لە دایكبووە و لە ساڵی 2004 لە وڵاتی ئەڵمانیا بە نەخۆشی كۆچی دواییكرد و خاوەنی زیاتر لە 100 بەرهەمە.

 486 جار بینراوە