سەرەکی » زانست » كۆمپانیای كرۆنشتاتی روسی درۆنێكی بەهێز‌و نوێ دروست دەكات

كۆمپانیای كرۆنشتاتی روسی درۆنێكی بەهێز‌و نوێ دروست دەكات

ئا؛ئالان رەئوف

كۆمپانیای كرۆنشتاتی روسی سەرقاڵی دروستكردنی فڕۆكەیەكی بێفڕۆكەوانی (درۆن) ی نۆێیە كە لە مانگی نۆڤەمبەری داهاتوو بەرهەم دێت.

لەبەیاننامەیكی رەسمیدا كۆمپانیای ناوبراو ئاشكرای كرد ئەم درۆنە نوێیە بەناوی ئاریۆن توانای هەڵگرتنی 200 كیلۆگرام تەقەمەنی هەیە بۆلێدان لە ئامانەجە دوور‌و دیاریكراوەكان.

پێشتریش درۆنە دروستكراوەكانی ئەم كۆمپانیا روسیە لە جەنگی دژ بە گروپە تیرۆرستییەكان لەسوریا بەكارهاتووە.

كۆمپانیای ناوبرا‌و ئاشكرایكردووە نزیكەی 1500 كەس لەم كارگەی دروستكردنی درۆنە لەنزیك شاری دوبنا ی روسی كاردەكەن.

لەدونیای تازەی جەنگیدا فڕۆكەی درۆن بەیەكێك لە ئامرازە گرنگەكانی جەنگ ئەژماردەكرێت كەتوانای لێدانی ئامانجی دوور‌و گرنگ‌و دیاریكراوی هەیە بەبێ بونی زیانی گیانی لەو هێرشانەدا.

روسیا الیوم

 659 جار بینراوە