سەرەکی » زانست » ماڵتا پارە دەداتە گەشتیارانی

ماڵتا پارە دەداتە گەشتیارانی

ئامادەكردنی: بورهان ئەمین

لە پێناوی بوژاندنەوەی كەرتی گەشتیاری دوای كۆرۆنا و كرانەوەی بازاڕو دروستبوونەوەی جموجۆڵ لەوڵاتان و هاندانی خەڵكی بۆ گەشتكردن، حكومەتی ماڵتا بڕیاریداوە هەر گەشتیارێك ئەم هاوینەسەردانی شوینە گەشتیارەكانیی بكات، نزیكەی 200 یۆرۆی پێببەخشێت، مالتا 3,5ملیۆن یۆرۆی بۆ35 هەزار گەشتیاری یەكەم تەرخانكردووەو هەندێك مەرجی تێدایە لەوانە گەشتیار دەبێت لایەنی كەم سێ شەو لە هۆتێلێكی ئەم وڵاتە بمێننەوە و هەرچەندە ئەستێرەی هۆتێلەكەش زیاتربێت، رێژەی بڕە پارەكە زیاتر دەبێت، بۆنموونە پاداشتی هۆتێلێكی سێ ئەستێرەیی 100 یۆرۆیە و هۆتێلەكەش 100 ی تر پێشكەش دەكات، بەڵام هی پێنج ئەستێرەیی 200 یۆرۆ لەلایەن حكومەتەوە و ئوتێلەكەش 100 یۆرۆ، حكومەت لە هەڵمەتی بوژاندنەوەی كەرتی گەشتیاریی وڵاتدا كە لە سەرەتای مانگی حوزەیرانەوە دەستپێدەكات، هەنگاوی خێراو پراكتیكی ناوە بۆ سەرلەنوێ دەستپێكردنەوەی وەرزی كارای گەشت كە لەسایەی كۆرۆنا لەساڵی رابردوودا نزیكەی سێ ملیار یۆرۆ زیانی پێگەیشتووە، بڕی 20 ملیۆن یۆرۆی تەرخان كردووە تا خەڵكی بیانی هان بدات سەفەر بۆ ئەو دورگە ئەوروپیە بكەن .

ئابووریەكەی پەكی كەوتووە
كەرتی گەشتوگوزاری زیاتر لە 27%ـی ئابووری ماڵتا پێكدەهێنیت، بەڵام ساڵی رابردوو بەهۆی بڵاوبوونەی ڤایرۆسی كۆرۆنا زیانێكی زۆری پێگەیشتووە. بەگوێرەی زانیاریەكانی وەزارەتی گەشتوگوزاری ئەو وڵاتە، لە 2019 نزیكەی سێ ملیۆن گەشتیاری بیانی سەردانی ئەو وڵاتەیان كردووە، بەڵام لە ساڵی رابردوودا تەنها 700 هەزار گەشتیار سەردانیان كردووە.

هەینی رابردوو « كلایتۆن بارتۆلۆ» وەزیری گەشتوگوزاری ماڵتا ئەو هەڵمەتەی راگەیاند و هاووڵاتیانی ئەوروپیی و بیانی دڵنیاكردەوە كە وڵاتەكەی توانیویەتی كەشێكی تەندروستی ئارام بڕەخسێنێ و هەموو پێداویستی و خۆشگوزەرانیەك بۆ هاموشۆكەرانی دابین بكات، حكومەت پەیمانی داوە كە هەموو ئاسانكاریەكیان بۆ بكاو بێ كێشە سەفەری خۆیان بۆ ئەو دورگەیە بكەن.

زۆرینە كوتراون
جگە لەم هەوڵەش ماڵتا هەڵمەتێكی گشتی پرۆسەی كوتانی دەستپێكردوە زیاتر لەنیوەی دانیشتوانەكەی فاكسینی یەكەمیان وەرگرتوەو خەریكە كۆنترۆڵی دۆخەکە دەكەن , لە 12ی نیسانەوە ئیدی داخران نامێنێت، هەموو شوێنە گشتی و تایبەتیەكان بەڕوی هاوڵاتیاندا دەكرێنەوە، چاوەڕواندەكرێت تا وەرزی گەشتوگوزار ئیدی كێشەی كۆرۆنای نەمێنیت، جێی باسە ئەو وڵاتە بچوكە ماوەی پێشوو مەترسیدارترین شوێنی دونیا بوو بۆ كۆرۆنا و لەساڵی رابردوو تامانگی شوباتیش ڕێژەی توشبوانی تێدا یەكجار بەرزبووە.

بچوكترین ولاتە
مالتا بچوكترین وڵاتە لەجیهاندا و لە سێ دورگە پێكهاتووە گەورەترینیان ماڵتایە و دوانەكەی تریش گۆدش و كەممونەن، ژمارەی دانیشتوانەكەی نزیكی 400 هەزار كەسە و هەمویان كاسۆلیكین، زمانی تایبەتی خۆیان هەیە كە ماڵتیە، ،ئەندامی یەكێتی ئەوروپایە، پایتەختەكەی ڤالیتایە و بچوكترین پایتەختی ئەوروپیە لە رووبەر و دانیشتوانیشدا، سیستەمی دیموكراسی پیادەدەكا و پەرلەمانێكی69 كورسی هەیە، پارتی كار وڵات بەرێوەدەبات و پارتی نیشتیمانی كریستیانیش نەیارێتی، ئابوورییەكەی لەسەر راوەماسی و گەشتوگوزار و باجی سەر كەشتییەبارهەڵگرەكانە، كەشوهەوای خۆشە و لەهەر چوار وەرزەكەی هەتاو هەیە، هاوینانی وشك و گەرمە، زستانەكەشی سارد نییە و ٦٠ ساڵ دەبێت بەفری لێ نەباریوە، كۆی گشتی پلەی گەرما لەو ولاتە ٧ بۆ ١٥ پلەیە، لەم ناوچە جوگرافییە بچووكەدا زۆرگ و دارستان و كەنار دەریاكەی پان وبەرینە، دورگەیەكی خۆش و رازاوەیە بۆ گەشت و بەسەربردنی كات، لە وەرزی هاوین و زستان دا گەشتیاری ئەوروپی و رووسی روی تێدەكەن.

 63 جار بینراوە