رۆژی هەینی رابردوو 23/7 نارۆ هیتۆ – ی ئیمپراتۆری ژاپۆن بەرەسمی دەستپێكردنی ئۆڵۆمپیادی تۆکیۆ – 2022 -ی راگەیاندو لە یاریگایەكی بێ خاڵی لە هاندەران، ناوۆمی ئۆساكای ژاپۆنی و پاڵەوانی ناوداری تێنسی سەرزەوی مەشخەڵی ئۆڵۆمپی ئەم ئۆڵۆمپیادەی داگیرساند كە تا رۆژی 8/8 بەردەوام دەبێت.

11090 وەرزشاری 206 وڵاتانی دنیا لە سەر بردنەوەی 339 میدال لە 33 وەرزشی جۆراو جۆردا كێبڕكێی یەكتر دەكەن، رۆژی دەستپێك بۆ خۆپارێزی لە پەتای كۆرۆنا كە بەشێوەیەكی بەربڵاو لە ژاپۆن بڵاو بۆتەوە، تەنیا ئاهەنگی دەستپێكی تیادا كرا و لەیاریگایەیكدا كرا كە مەدرەجەكانی چۆڵ و هۆڵ بوون، تەنیا لێپرسراوانی باڵای وەرزشی جیهانی و چەند كەسایەتییەكی كەمی سیاسی جیهانی ئامادەی بوون، لەنێویاندا ئیمانۆیل ماكرۆنی سەرۆكی فەرەنسا كە ئۆڵۆمپیادی داهاتوو لە وڵاتەكەی ئەو دەبێت و جیل بایدنی هاوسەری سەرۆكی ئەمریكا جۆن بایدن، سەرەتا ئاڵای ۆڵۆمپی هەڵکار، دواتر تۆماس باخ وتاری لیژنەی ئۆڵۆمپی نێودەوڵەتی خوێندەوە، پاشان وەفدی وڵاتانی بەشدار یەك لە دوای یەك هاتنە ناو یاریگا و دواتر نمایشەكانی نێو یاریگا ئەنجامدران كە سەرەتاكەی هاتنە ناوەوەی مەشخەڵی ئۆڵۆمپی بوو دەستاو دەست كرا تا گەیشتە دەستی ناوۆمی ئۆسكاو ئەویش مەشخەڵی ناو یاریگای پێ داگیرساند كە تا كۆتایی ئۆڵۆمپیاد ئەو مەشەخەڵە ناكوژێتەوە.

 133 جار بینراوە