سەرەکی » ئاراستە » كۆچی دوایی سواره‌ بێستانه‌یی

كۆچی دوایی سواره‌ بێستانه‌یی

حه‌یده‌ر مه‌نتك

دوای ساڵانێك ململانێ له‌گه‌ڵ نه‌خۆشیدا، رۆژی 26/8/2021 پێشمه‌رگه‌ی دێرین سواره‌ جه‌لال عه‌لی فه‌تاح ناسراو به‌ سواره‌ بێستانه‌یی، له‌ گونده‌كه‌ی خۆی (بێستانه‌ی بچوك) كۆچی دوایی كرد.

ئه‌م تێكۆشه‌ره‌ كۆچكردووه‌ یه‌كێك بوو له‌ پێشمه‌رگه‌ قاره‌مانه‌كانی سنووری هه‌ولێرو ساڵانێكی زۆری ته‌مه‌نی له‌ پێناو خه‌باتی نه‌ته‌وه‌یی و نیشتمانی كورددا به‌خشی.

كاك سواره‌ له‌ ساڵی 1954له‌ گوندی ره‌سوڵ بچكۆلی سه‌ر به‌ ناحیه‌ی دێگه‌ڵه‌ی قه‌زای كۆیه‌ له‌ دایكبووه‌، ساڵی 1979 بۆته‌ پێشمه‌رگه‌ له‌ ریزه‌كانی بزووتنه‌وه‌ی سوشیالست- حزبی سۆسیالیست.

ساڵی 1983 سه‌نگه‌ری خه‌باتی گواستۆته‌وه‌ بۆ ناو ریزه‌كانی یه‌كێتیی نیشتمانیی كوردستان و تا كۆچی دواییكرد وه‌فادارمایه‌وه‌ بۆ یه‌كێتی.

سه‌ره‌تای په‌وه‌ندیكردنی به‌ یه‌كێتییه‌وه‌ له‌ كه‌رتی تیپ، تیپی 86ی ده‌شتی هه‌ولێر بووه‌، ماوه‌یه‌كیش جێگری فه‌رمانده‌ی كه‌رتی 4 و جێگری فه‌رمانده‌ی كه‌رتی 1 بووه‌.

ساڵی 1987كراوه‌ته‌ فه‌رمانده‌ی كه‌رتی 1ی تیپی 86.

له‌ ئه‌نفالدا به‌خێزانه‌وه‌ ئاواره‌ی ئێران بووه‌، ساڵی 1991 به‌شداریی راپه‌ڕینی كردووه‌ تا رزگاركردنی كه‌ركوك.، هه‌مان ساڵ كراوه‌ به‌ فه‌رمانده‌ی به‌ تالیۆنی4ی دێده‌وان و له‌ ساڵی 1993شدا له‌ ته‌شكیلاتی وه‌زاره‌تی پێشمه‌رگه‌دا كراوه‌ته‌ (مقدم لیوا).

ساڵی 1996 كراوه‌ته‌ فه‌رمانده‌ی تیپی له‌شكری 16ی هه‌ولێر، له‌ 31ی ئابی ئه‌وساڵه‌ ئاواره‌ی كۆیه‌ بووه‌.

ساڵی 1997 كراوه‌ته‌ جێگری فه‌رمانده‌ی هێزو دواتر بۆته‌ سه‌رله‌شكر.

له‌ ماوه‌ی پێشمه‌رگایه‌تیدا به‌شداریی ده‌یان داستان و نه‌به‌ردی چالاكی ده‌سته‌ویه‌خه‌ی كردووه‌ له‌ سنووری مه‌لبه‌ندی 3ی هه‌ولێرو سنووری سه‌ركردایه‌تی، سێجاریش بریندار بووه‌، به‌ پله‌ی لیوا خانه‌شین كراوه‌.

به‌داخه‌وه‌، رۆژی 26/8/2021 كۆچی دوایی كردوو و گه‌یشته‌ كاروانی هاوڕێ شه‌هیده‌كانی.

 157 جار بینراوە