سەرەکی » زانست » هەندێک لە خواردنەکان پڕاوپڕن لە ژەهری سپی

شەكری شاراوە

هەندێک لە خواردنەکان پڕاوپڕن لە ژەهری سپی

بەپێی زانستی نوێ زۆری رێژەی شەكر لەناو خوێن تێكچونی تەندروستی و توشبونی نەخۆشی كوشندەی لێ دەكەوێتەوە،ئەوەی مەترسیە هەندێ كەس هەستی پێناكەن كەخواردن و خواردنەوە ئامادەكراوەكان پڕاوپڕن لەشەكر، لەنمونەی كۆلاو شوكولاتەو میوەی ووشككراو كەچپ و سۆسە و هی تر، كە زیادەڕۆیی كردن لێیان هۆكاری سەرەكی توشبونەبە نەخۆشی شێرپەنجە.

بەپێی توێژینەوەیەكی تازەی MD Anderso Cancer Center ی زانكۆی تەكساسی ئەمریكی بێت كە چەند جۆرێك شیرینیان لەسەر مشك تاقیكردۆتەوەو بۆماوەی شەش مانگ لەسەر یەك چاودێری ئەندامەكانی لەشیان كردوە دەركەوتوە كەلەو ماوەیەدا كە شیرینیان دەرخوارد داوە بەڕێژەی 30٪ خانەی شێرپەنجە لەناو خوێن و جگەریدا دروستبوەو گەشەی كردوە، بۆیە دەڵێن سیستەمی دروستكردنی خواردنە شیرینەكانی رۆژئاوا بەهۆی بەرزی رێژەی شەكر تیایاندا ناتەندروستن و هۆكاری توشبونن بە شێرپەنجەی جگەر، پرۆفیسۆر Lorenzo Cohenیەكێكە لەوتوێژەرانەو دەڵێت، لەناو شەكر مادەیەك هەیە پێی دەڵین فركتۆز كاتێك ئەوە لەناو خوێن زیاد بكات دەبێتە هۆی توشبون بە شێرپەنجەی جگەرو سییەكان، بۆیە لەكاتی خواردنی هەر مادەیەك دەبێت رەچاوی رێژەی شەكرەی ناوی بكەین و ئاگادار بین.

توێژینەوەیەكی تری زانایانی بەلجیكیش كە نۆ ساڵی خایاندوە هەمان ئەو راستیە دوپات دەكاتەوە كە بەرزی شەكر لەناو خوێندا ئەگەر هاوسەنگی لەدەست بدات و بۆماوەیك هەر بەبەرزی بمێنێتەوە، كارەسات دروست دەكاو دەبێتە هۆی مردن، چونكە جگەلەوەی گەشە بەخانە شێرپەنجەییەكان دەدات ئەگەر بۆماوەیەكی زۆر وا بڕوات ئەوخانە بكوژانە دروست دەكاو وادەكات ناو سكی مرۆڤ پڕبێت لە خانەی شێرپەنجەو ئەندامەكان لەكاردەخات.

دكتۆر «تۆفیق حەمدوش» پسپۆڕی نەخۆشیەكانی شێرپەنجەو هەناو لەشاری هامبۆرگی ئەڵمانیابۆ كەشتی نوح ووتی ، جەستەی لەش پێویستی بەشەكرە بەڵام بەڕێژەیەكی دیاریكراو، دەبێ ئاگاداری ئەوەبین كە زۆربەی ئەو خواردنە ئامادەكراوانەی لە بازاڕو مۆڵەكاندا هەیە بگرە نان و سەمون و ئاوەگازیەكان و لەفەی گۆشتیش بۆ تام و چێژی كڕیار خاوەن كۆمپانیاو بەرژەوەندیەكان شەكری زۆری تێدەكەن و هەندێكیان نیوەی زیاتری شەكرن لەنمونەی ئایسكرێم وشوكولادەو نوقڵ و پاقلاوە و كەچپ وجۆرەكانی كێك وبسكویت و..هتد كەلەوانەیە كڕیار پێیان نەزانێ و زۆریان لێ بخوات، ئەمە وادەكات مرۆڤ كۆنترۆڵی خۆی لەدەست بدات و ببێتە هۆی قەڵەوی ودواتر راستەوخۆ هۆكاری دروستبونی شێرپەنجەیە لەناو خانەكانی لەشی مرۆڤ، دكتۆر حەمدوش ڕێنمایی ئەوەمان دەكات كە تابتوانین شەكرو شیرینەكان كەم بخۆن یان وازیان لێ بینین چونكە زیان بە تەندروستی مرۆڤ دەگەیەنن.

سەڕچاوە: T. Online

 163 جار بینراوە