سەرەکی » کەلتوور » رابەرى کێشى شیعرى کلاسیکى کوردىپەڕە 3

رابەرى کێشى شیعرى کلاسیکى کوردى

گوڵزار حەمە فەرەج

ئەم رابەرە تایبەتە بە کێشى شیعرى کلاسیکى، واتە بە کێشى عەروزى و تەنیا ئەو شیعرانەى شاعیرەکان دەگرێتەوە کە بە عەروزى دەستکاریکراوى عەرەبى هۆنراونەتەوەو ، ئەو شیعرانە ناگرێتەوە کە بە کێشى بڕگەیى، کێشى پەنجەیى، یان سیلاب یان خۆماڵى نووسراون، ئەو شیعرانەى بە کێشى بڕگەیى خۆماڵى نووسراون ئەم جۆرە لە تایبەتمەندییەکانى زمانى کوردى هەڵدەقوڵێت و مۆڕکى رەسەنایەتى خۆى پێوەیە، بۆیە هەر هەموو شیعر و سرود و گۆڕانى فۆلکلۆرى بەم جۆرە کێشراون، جگە لە زارى گۆران، هەورامى، ئەو شیعرانەى بە کێشى عەروزى دەستکاریکراو نووسراون، ئەم جۆرە کێشە هەر لە کۆنەوە بابا تاهیرى هەمەدانى لە رێى شیعرى فارسییەوە هاتۆتە ناو ئەدەبى کوردى و شاعیرانى کورد پەیرەوى کێشى عەروزیان کردووە، دواى بابا تاهیرى هەمەدانى یەکەم کەس جزیرى توانى ئەم جۆرە کێشانە بە زۆرى قاڵب و دەستورەکانەوە بێنێتە ناو شیعرى کوردى، پاش ئەویش شاعیرانى زارەکانى تر پەرەیان پێداو کێش و قاڵبەکێشى تریان تێدا خستە کار.

سەرەتاى بایەخدان بەم عەرزوییە بۆ سەرەتاى حەفتاکان دەگەڕێتەوە کە عەزیز گەردى توانى لە رێى چەند سەرچاوەیەکى باشى عەرەبیەوە تا رادەیەکى باش لەو زانستە شارەزا بێت، یەک دووجار وتاریشى لەو بابەتە بڵاو کردەوە، کە یەکێکیان ناوبژى کردنى نێوان دوو مامۆستا، هەردى و رەئووف عوسماندا بوو، کە یەکەم باسێکى پوختى لەسەر کێشى کوردى لە ژمارە ١٠ ى گۆڤارى برایەتى بڵاو کردبۆوە ، دووەم لە ژمارەى ١٢ى هەمان گۆڤاردا وەڵامى دابوەوە ، دواتریش بە سێ حەلقە هەردوو باسەکەى بە شێوەىەکى زانستى هەڵسەنگاند، پاش هەوڵ و تەقەلایەکى زۆر لە ماستەرى کوردى وەرگیرا، تا ئەو کاتە دیوانە باوەکانى لە رووى کێشەوە شیکردبوەوە، بۆیە بڕیاریدا نامەى ماستەرەکەى لەسەر کێشى شیعرى کلاسیکى کوردى و بەراوردکردنى لەگەڵ عەروزى عەرەبى و کێشى فارسى دابێت. کڕۆکى نامەکە لەسەر بنەماى ئەو ژمارە وەستا بوو کە بۆکێشى شیعرى کلاسیکى کردبووى ، کێش و قاڵبەکانیشى لێک جیاکردبوەوە، نمونەی بۆ زەرب و عەروزى جیاوازى هەریەکەیان هێنابوویەوە، زیحاف و عیللەى کێشەکانى بەنمونەوە دەرخستبوو، پاشان کێش و قاڵبەکێشەکان لەگەڵ کێشى شیعرى عەرەبى و فارسى بەراورد کرد بوو. کێشى بۆ سەرجەمى شیعرەکان دانابوو، نمونە ، کێشى شیعرەکانى نالى چاپى دکتۆر مارف، کێشى هەزەج، هەزەجى هەشتى تەواو.

تەبەسسوم دەردەخا حوققەى دەمى جەوهەر لە نێو ئەودا / بەڵێ میسقاڵە زەڕڕە زاهیرە جلیوەى دەدا/ هەزەجى هەشتى ئەخرەب. سەوداسەرەکەى زولفت ئەزهارى لەکن پەشمە / دوور لەو گوڵە یەعنى ڕووت گوڵزارى لەکن پەشمە/ هەزەجى هەشتى ئەخرەبى مەکفونى مەقسور. ئەى سەروى بڵند قەددو بڕۆتاق و مەمک جوت/ کێ دەستى دەگاتە بەیى ونارى نەگەیشتوت/ هەزەجى شەشى مەقسور. مەکە ئیخلافى ئەو وەعدەى کە فەرموت / دەخیلت بم کە خانەى سەبرەکەم سوت.

دواى دەرهێنانى کێشى شیعرى هەموو هۆنراوەکانى هەر دیوانێک کەرەستەیەکى زۆرى لەلاکۆبوەوەو توانى مامەڵە لەگەل ئەو کەرەستانە بکات و رێکى بخات، نووسەر هیوادارە کەبەم ئەرکەى خزمەتێکى کێشى شیعرى کلاسیکى کوردى کردبێت.

 141 جار بینراوە