سەرەکی » هەواڵ » ساڵیادی كۆچی دوایی فەرماندە و تێكۆشەر لیوا مەحمود بێسەریی

ساڵیادی كۆچی دوایی فەرماندە و تێكۆشەر لیوا مەحمود بێسەریی

دوێنێ، لە رێوڕەسمێكدا لەسەر مەزاری خوالێخۆشبوو، ساڵیادی كۆچی دوایی فەرماندە و تێكۆشەری دێرین و كەسایەتیی دیار (لیوا مەحمود بێسەریی)، بەڕێوەچوو.

لە رێوڕەسمەكەدا، كە ژمارەیەك لە ئەندامانی مەكتەبی سیاسی و سەركردایەتیی یەكێتی و كەسوكاری فەرماندەی تێكۆشەر لیوا مەحمود بێسەریی و هاوڕێ و هاوسەنگەرانی ئامادەبوون، چەند وتارێك پێشكەشكران، لەناویاندا، هەڤاڵ مەحمود سەنگاوی وتاری هاوبەشی هێزەكانی 70 و مەڵبەندی رێكخستنی پێشمەرگەی پێشكەشكرد و ئاماژەی بە ژیانی پڕ لە خەبات و قوربانیی خوالێخۆشبوو كرد، كە هەر لە تەمەنی لاوێتییەوە خۆی تەرخانكردووە بۆ خزمەتكردن بە ئامانجە باڵاكانی میللەتەكەمان و خاكی پیرۆزی كوردستان، وتیشی: لیوا مەحمود بێسەریی، لە هەموو ئەو بەرپرسیارێتییانەی لە ئەستۆی گرتووە و پێی سپێردراوە، بەوپەڕی هەستكردن بە بەرپرسیارێتییەوە ئەركەكانی راپەڕاندووە.

هەر لە رێوڕەسمەكەدا، تاجەگوڵی رێز و وەفای بافڵ جەلال تاڵەبانی، لەسەر گڵگۆی فەرماندەی تێكۆشەر لیوا مەحمود بێسەریی، دانرا.

 78 جار بینراوە