سەرەکی » ئابووری » نرخی كرێی گواستنەوەی خوێندكاران رێكدەخرێت

نرخی كرێی گواستنەوەی خوێندكاران رێكدەخرێت

بەبڕیاری قائیمقامی سلێمانی نرخی كرێی گواستنەوەی خوێندكاران رێكخراو لەپەیامێكیشدا قائیمقام رایگەیاند، «ئەو شۆفێرەی هاتوچۆ بەخوێندكاران دەكات پێویستە سەرجەم مەرجەكانی سەلامەتی و توندوتۆڵی و هاتوچۆ جێبەجێبكات و ئەو شوفێرانەشی مۆڵەتیان نەبێت رێگەی كاركردنیان پێنادرێت».

ئاوات محەمەد قائیمقامی سلێمانی لەگەڵ هەریەك لەنوێنەری بەڕێوەبەرایەتیەكانی (پەروەردە، هاتوچۆ، چاودێری بارزگانی، گواستنەوەو گەیاندن و سەندیكای شۆفێران)ی سلێمانی كۆبۆوە، لەكۆبونەوەكەدا سەبارەت بەنرخی كرێی گواستنەوەی خوێندكاران لەماڵەكانیان بۆ ناوەندەكانی خوێندن و چەند بابەتێكی دیكەش چەند بڕیارێك درا.
لەڕاگەیەنراوێكی قائیمقامیەتی سلێمانیدا هاتووە كە ئاوات محەمەد رایگەیاندوە، ((یەكێك لەئەركەكانی حكومەت رێكخستنی كاروبارەكانی هاووڵاتیانە بەجۆرێك كە بەرژەوەندی گشتیی تێدا پارێزراوبێت، رێكخستن و چۆنێتی كاركردنی هۆكارەكانی گواستنەوەی خوێندكارانیش لەماڵەكانیانەوە بۆ خوێندنگاكان، بەشێكە لەو ئەركەو پێویستە بەهەمولایەك سیستمێكی گونجاویان بۆ دابنرێت».
قائیمقامی سلێمانی ئاماژەی بەوەشكردوە، «دیاریكردنی نرخی گواستنەوەی خوێندكاران لەسەر بنەمای دوری خوێندكار دەبێت لەخوێندنگەكەیەوە، چونكە ئێستا جیاوازیەكی زۆر لەنرخەكاندا لەشوێنێكەوە بۆ شوێنێكی دیكە هەیە، ئێمەش ئەوو نرخانە دیاریدەكەین و دەبێت شۆفێرانیش پابەندی بن».
لەبەشێكی دیكەی راگەیەنراوەكەدا ئاوات محەمەد رایدەگەیەنێت، «ئەوكەسەی هاتوچۆ بەخوێندكاران دەكات، پێویستە سەرجەم مەرجەكانی سەلامەتی و توندوتۆڵی و هاتوچۆ جێبەجێبكات، ئەو شۆفێرانەی مۆڵەت لەلیژنەكە وەردەگرن تەنها رێگە بەوانە دەدرێت كاربكەن و خوێندكاران بگوازنەوە».
print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

دراوی دڵـنیاكەر و تـارمـایـی داچـوونـی ئـابـووری

فەیسەل عەلی* مەترسییەكانی روودانی بێبازاڕی ئابووریی جیهانی فراوان روو لە ...