سەرەکی » ئاراستە » گە لاوێژ، وفاعلیە الابداع الادبی

گە لاوێژ، وفاعلیە الابداع الادبی

ئا-ژنۆرناڵ

خاتوو گەلاوێژ، ناوێكی دیارو قەڵەمێكی بەبڕشتە لە بواری ئەدەبیاتی كوردی لە بوارەكانی بیرەوەری و ڕۆمان و نۆڤلێت و چیرۆك و ئەدەبی مناڵان و ووەڕگێڕان و خاوەنی زیاتر لە 21 بە رهەمە.و وەك یەكەمین نووسەری كوردە خاوەنی وێب سایتی ئەلكترۆنی خۆیەتیGALAWEZH.COM و تەواووی بەرهەمەكانی بەشێوازی PDF بۆ خوێنەران خراوەتە ڕوو.
هاوكات لە گەڵ ساڵیادی وێب سایتیGALAWEZH.COM، كتێبێكی نۆی بەزمانی عەرەبی بە ناونیشانی» « كلاویز وفاعلیە إلابداع الادبی»» لە نووسینی ڕۆژنامەنووس ژینۆ عەبدولڵا ڕیوبەری وێب سایتی GALAWEZH.COM یە بەزمانی عەرەبی بڵاو كرایەوە.
لەم بەرهەمەدا بێجگە لەوەی بیۆگرافیایەكی تەواووی بواری ئەدەبی و سیاسی خاتوو گەلاوێژی تیایە، هاوزەمان چەند توێژینەوەیەكیش لە خۆ دەگرێت دەربارەی ئەدەبیاتی گەلاوێژ لە دیدی ئەكادیمی و نووسەران و ئەدیبانەوە.
لە لێدوانێكدا ژینۆ عەبدولڵا نووسەری كتێب وبەڕیوبەری وێب سایتی GALAWEZH.COM ئاماژەی بەوەدا، بەردەوام نووسەران و ئەدیبان و توێژەرانی عەرەب بەحوكمی ئەو پەیوەندیە ئەدەبیەی لەگەڵ خاتوو گەلاوێژدا هەیان دە یانوویست زانیاریان هەبێت بە زمانی عەرەبی دەربارەی بیۆگرافیاو شێوازو تەكنیكی نووسینی و ئەو بە رهەمە ئەدەبیانەی هەیەتی، هەربۆیە ئەم بەرهەمە بۆ خوێنەرانی عەرەب نووسراوە.
دەربارەی شێوازی تەكنینكی نووسینی بە رهەمەكانی خاتوو گەلاوێژ، ئاماژەی بەوەشدا،، نووسەر،گەلاوێژ،تەواو ڕێبازە فەلسەفییەكەی جۆن لۆك ودەیڤد هیومی بەنێو ئەزموونگەرایی جێبەجێ كردووە كەئەم ڕێبازە پشت بەڕەهەندە هەستییەكان دەبەستێت ولێرەشەوە گەلاوێژ خۆی دەبێتە بەشێك ئەزموونی ئەزموونگەرایی .ئامانجەكەشی بریتیە لەوەی كەچۆن ئەزموون لەئەزموونگەرایی جودا بكاتەوە ولەبری ئەوەی پشت بەئەزموونە دەرەكییە پێش وەختەكان ببەستێت ئەوا خۆی،لەڕێگەی هەستەكانەوە، دەبێتە ئەزموون بۆ ئەوانی تر.جگە لەمەش مەبەستێتی كەئەزموونگەرایی ببەستێتەوە بەئینتۆڵۆژیای كوردەوە ولێرەشەوە گەلاوێژ،وەك خودێكی بزێو وبەئەزموون،دەگەڕێت بەدوای مانا باڵاكاندا كەبەرژەوەندی هەمووانی پێوە بەندە.ئەمەش بەشێوەیەك لەشێوەكان دەچێتە بواری پڕۆسەی فەزای دەقە كراوەكان وبازنە ئارگیومێنتەكانیش لەبەردەم خوێنەر وخاوەن دەقدا دەكرێنەوە.
هاوكات بەڕیوبەری وێب سایتی galawezh.com باسی لەوەشكرد، بایەخدان بەچەمكە گێڕانەوەگەرییەكانی گەلاوێژ تەواو نزیكمان دەخاتەوە لەڕاستییەكانی كۆمەڵگا بەتایبەتی لەڕووی سیاسی وفیكری وسایكۆڵۆژی وسۆسیۆڵۆژیاوە .لەهەمان كاتیشدا دەروازەیەكی ووزەبەخشیشە بۆ پێگەی ئەدەبیاتی فێمینیزم لەنێو ئەدەبیاتی كوردیدا.گومانیش لەوەدا نیە كەئەدەبیاتی هاوچەرخ بەبێ ڕەهەندە گێڕانەوەگەرییەكان تەواو لاسەنگ دەبێت.ئەدەبیاتی گەلاوێژ تۆمارێكی ئۆنتۆڵۆژی زەمەنی ڕووداوەكانە لەكۆمەڵگای كوردیدا.گرنگیدان بەو تۆمارە گرنگیدانە بەشوناسی مێژووی هاوچەخی كوردی لەهەموو ڕوویەكەوە.ئەمەش ئەركی هەمووانە بەجیاوازی ئایدیا.
نووسەری كتێبی» « كلاویز وفاعلیە إلابداع الادبی»» ، ڕوونیشیكردوە، بەرهەمە ئەدە بیەكانیی خاتوو گەلاوێژیش بریتین لە: -بیرەوەرییە هەرگیز لەبیر نەكراوەكانی من- بەشی یەكەم-بیرەوەرییە هەرگیز لە بیر نەكراوەكانی من- بەشی دووەم-بەرەو شەئكەوتی دڵێران – بەرگی یەكەم–بەرەو شەئكەوتی دڵێران –بەرگی دووەم-كارەكەر-نۆڤلێت-دایك كوڕ-ڕۆمان-ڕێبوارێكی سەرگەردان
-ئەفسانەی گەلی ناو گردان، چیرۆكی فۆلكلۆری بۆ مێرمنداڵان-لەسەر باڵی سیمرخ-ڕۆمان-بووكی ئاتە خان- یرۆك-گەشتی كوردستان –چیرۆك-سێ كورتیلە چیرۆك بۆ مێر منداڵان-پەروەندی ئیداری-عەزیز نەسین-وەڕگێڕان-پایزو بەهاری خونچە-اوراق من سیرە زاتیە-العالم غابە-اسگورە كلی ناو كردان-قصص للاگفال-عابر سبیل هائمە- نحو كهف الشجعان-كتلە اتە خان.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

لە رێی كوردستانی «نوێ»وە بەهەمووان رادەگەیشت

دێدەوانی یەعقوب / كۆیە ڕەنگە ئەگەر هەر كەس كە وێنەی ...