ناوگەڵمەند

ـ دە بەسە ئیتر. وس بە بزانین ئەو موزیعە ئەڵێ‌ چی.
× لە درۆ زیاتر قابیلە چی بڵێ‌ بەگم؟
ـ ئینجا درۆ عەیبی چییە رۆڵە؟!.. ئەسڵەن ئینسانی ئاقڵ ئەوەیە كە بەعزە جارێ‌ باوەڕ بە درۆ بكات.
× بیسمیلـلا لەو قسەیە!!.. باوەڕ بە درۆ بكات؟؟! .. ئەمە كێ‌ وا ئەڵێ‌؟
ـ فروغی شاعیر.
× یاخوا بێ‌ قەزابی بەگم… لەناو ئەم هەموو عالەما قسەی فروغت لا پەسەندە.
ـ ئەی قسەی كێم لا پەسەند بێ‌، لە عۆمەت نەچوو؟!
× قسەی خەڵكی سەركەوتوو لە حەیاتا… قسەی پیاوی دەوڵەمەند.
ـ ئمم.
× ئەرێ‌ گەورەم…
ـ گیانی گەورەت.. ئەمركە.
× من هەر ئەیڵێم و مەعناكەشی نازانم. بەڕاست دەوڵەمەند یەعنی چی؟
ـ رۆڵەگیان دەوڵەمەند لە دەوڵەت مەندەوە هاتووە.
× ئێ‌ ئێ‌… رەحمەت لە باوك و دایكت.. یەعنی ئەو برادەرانەی لە سایەی حكومەتەوە پێگەیشتوون.
ـ هەتیو من كەی وام وتووە ئەی هاوار؟! دەوڵەت یەعنی….
× تەواوی مەكە ئوستاز… هەیە نەزانێ‌ دەوڵەت یەعنی چی… بەساقەی دەوڵەت و سام و هەیبەتی بم.. هی دەوڵەمەندیش كە دەوڵەت دروستی كردووە.
ـ وا نییە كەلـلەپووت.. سەبرت بێ‌ با تێت بگەیەنم.
× چیم تێئەگەیەنی قوربان؟! دەوڵەمەند ئەو كەسەیە كە لەسایەی دەوڵەتەوە بووبێ‌ بە شت.
ـ جا ئەگەر وابێ‌ كەواتە (حیزبمەند)یشمان هەیە!
× حیزبمەند كێیە؟؟!
ـ ئەو كەسەیە كە حیزب كردوێتی بە كەڵەگا…. ئەوە بەچی پێ‌ ئەكەنی قوڕمساغ؟!
× بەگم عایلەیەكم بیركەوتەوە هەموویان هینن……
ـ هەموویان چین؟
× ناوگەڵمەند.

 196 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*