سەرەکی » وتار » لەتیف فاتیح فەرەج‌ » حەكایەتی كەركوك

خورجە

حەكایەتی كەركوك

1
كەركوك هەرچەندی لە بارەوە قسە بكەی هێشتا كەمە، ئاخر كەركوك وەك كێڵگەی تاقیكردنەوە 100 ساڵە هەموو شتێكی لەسەر تاقیدەكرێتەوە، شەڕی نەتەوەیی، تاڵانی نەوت، گرەوی سڕینەوەی یەكتر، عەرەباندن و بەعساندن و تاراندن و لێسەندنەوەی ناسنامەو هتد، بەر لەو 100 ساڵەش عوسمانیەكان هیچ نەماوە بە خەڵكی كەركوكی نەكەن، عوسمانیەكان هەرچی شەقاوەو سەرسەری خۆیان هەبووە بەریانداوەتە خەڵكی كەركوك، هەڵدانەوەی ئەو لاپەڕانە جگە لە ئازار هیچی تر نیە، لە 2003ەوە تا 2017 كەركوك لای كوردە حەیاتەكە بوو، ئەو هەموو ساڵە لە بری ساڕێژكردنی برینەكان و چارەسەری كێشەكەڵەكە بووەكان خەمی هەندێك لە بازرگانەكانی كوردایەتی ئەوە بوو چۆن ببنە خاوەنی بیرە نەوت و بۆڕیە نەوت و تەلارو ڤێللاو بەنزینخانە و مۆڵ و شتی لەو جۆرە، لەو چەند ساڵەدا زۆر نەهەنگ پەیدا بوون، كەركوكیش هەر كەركوكە لە خاچدراوە كە بوو، ئێستاش نەبرینەكە ساڕێژ دەبێت نەكەس لە سەر ئەو هەموو خیانەتەلە كەركوك لە گوڵكاڵتری پێدەوترێت.
2
دڵداری شاعیر ڕوولە كورد دەڵێت:
زەمان ئێمە بە شیشی غەم لە سەر ئاگر ئەبرژێنێ‌
سەری سوڕما لە جەهلی تۆ هەتاكەی تۆ نەبرژاوی
پرسی دانانی پارێزگارێكی كورد بۆ كەركوك وەك حیكایەتی ریفراندۆمەكە بۆ ئەوەبەو دەردە برا تا كوردەكەی كەركوك بیری چێتەوە چی بە سەر هاتووە، دەی راستیەكەش هەر ئەوەی كە كورد نەتەوەیەكی و بێیادەوەرین و زوو ستەم و نادادیان بیر دەچێتەوە، ئەوەتا عەڕابەكانی ناشرینی هەر ئەوان بوونەوە بە فریشتەو خەڵكێك هەیە لە بەریان دەپاڕێتەوە بۆ ئەوەی دەستیان بە سەریاندا بهێنرێت، ئەوەتەی دیرۆك دیرۆكە هەیە دەزانێ‌ چۆنی سوڕبدات، ئێ‌ سوڕدانیش هونەرە خۆ گاڵتە نیە.
3
حەكایەتی كەركوك بە هەڕەشەو چاو سور كردنەوەو یاری مشك و پشیلە چارەسەر نابێت، ئەوەش چارەسەر نیە كە پێتوابێت بەم كەین و بەینە دڵی خەڵكەكە كەمەندكێش دەكەیت، كەركوك پێویستی بە ئاوەزمەندانە نەك شێواندنی زیاتر، كاردۆخی جوانی وتوە:
ئەگەر شوێنێك بخەیتە ترسی تاڵان و دزی و كوشتن
نەمانت چاكترە بە خوا لەوەی دەیكەی بە خوێن رشتن
ئەگەلا هەڵمەت بەری بۆ كۆششی هاوخوین و ئایینت
تەواو نەفرەت ئەكەن خەڵقی لە هۆش و عەقڵ و زانینت
تا ئێستا یاریەكە بەو جۆرە بووە ، ئەگەر كەسێك دەڵێ ت وانیەو ئەمە تۆ مەتە با پێمبڵێت ئەدی چۆن بووە، ئەوە چ خێر دانانی بابایەك بۆ پارێزگاری كەركوك بگاتە ئەو شوێنەی كە دابنرێت یان نا ئیدی كەڵكێكی نەبێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

خوێنی كورد

خوێنی كورد 1 ئەو هەموو لاوە نەمامن نێژران لەم باخچەیە ...