سەرەکی » هەمەڕەنگ » حەسەن زیرەک لە ساڵۆنی کوردستانی نوێ بوو

حەسەن زیرەک لە ساڵۆنی کوردستانی نوێ بوو

لەبەردەوامی ئەو چالاکییانەی ساڵۆنی کوردستانی نوێ بەڕێوەی دەبات، سەعات ١٠.٣٠ سەرلەبەیانی دوێنێ چوارشەممە 29/11/2017 بەبۆنەی (96)ەمین ساڵڕۆژی لە دایکبوونی هونەرمەندی گەورەی کورد حەسەن زیرەک ساڵۆنی کوردستانی نوێ مەراسیمێکی تایبەتی بەو بۆنەیەوە بەڕێوەبرد.
هاوکات هەر بەم بۆنەیەشەوە کوردستانی نوێ پاشکۆیەکی تایبەت کە پێکهاتبوو لە8لاپەڕە بەژیان‌و کارە هونەریی‌و بەرهەمەکانی ئەم هونەرمەندە بڵاوکردەوە.
لەسەرەتای مەراسیمەکەدا نووسەرو رۆژنامەنووس ساڵح بێچار بابەتێکی لەسەر ژیان‌و بەرهەم‌و رۆڵ‌و کاریگەرییەکانی ئەم هونەرمەندە پێشکەشکرد، پاشان ئامادەبووانی مەراسیمەکە بەگفتگۆکانیان دەربارەی حەسەن زیرەک مەراسیمەکەیان دەوڵەمەندتر کرد.

لەداهاتوویەکی نزیکدا لە دووتوێی ساڵۆنی کوردستانی نوێدا ناوەڕۆکی قسەو باسەکانی کۆڕەکە بڵاو دەکرێتەوە

 315 جار بینراوە