سەرەکی » هەمەڕەنگ » بردنەوەی پارتی پارێزگاران

ئەو رۆژانەی جیهانیان هەژاند

بردنەوەی پارتی پارێزگاران

رۆژی 26/7/1945، ئەو رۆژە بوو كە رووخساری سیاسەتی بەریتانیی تیادا گۆڕا.
بۆ یەكەمین جار لەمێژووی ئەو وڵاتەدا، پارتی پارێزگاران گەیشتە دەسەڵات. ئەمیش بەهۆی بردنەوەی لەهەڵبژاردنەكان و بەدەستهێنانی 180 كورسیی پەرلەمان كە دەكاتە زۆرینەی رەها.
بردنەوەكەی پارتی پارێزگاران، بردنەوەیەكی پێشبینی كراو نەبوو لەلایەن كەسەوە. بەڵام بەرنامەی پارتەكە، بەتایبەتی ئەوەی پەیوەندیی بەموڵكداریی گشتی و چاكسازیی كۆمەڵایەتی هەبوو، بووە مایەی كەمەندكێشكردنی دەنگدەرانی بەریتانیای دوای جەنگ.
وەك دەردەكەوت، ئەو ئاسانكاری و پشتیوانییە كۆمەڵایەتیانەی پارتی پارێزگاران پێشكەشی دەكرد، زۆرباش تریش بوو لەوەی پێش جەنگیش. بۆیە مەیلێكی ئاشكرا لەلای خەڵكی وڵاتەكە هەبوو بەرامبەر پارتی پارێزگاران.
لەلایەكی تریشەوە، ئەو پیاوە بەریتانیانەی لەبەرەكانی جەنگدا، دەجەنگان بێزار بووبوون لەشەڕو ماڵوێرانی‌و كارتێكردنی دەرەكی لەسەر بارودۆخی ناوخۆیی بەریتانیاو تەنانەت خواستە ئیمپریالییەكانی وڵاتەكەش.
ئەو جەنگاوەرانە بەشێوەیەكی زۆر كاریگەر نەبوون بە بەرنامەی پارێزگاران، بەڵكو ئەوان زۆر گرنگیان بەچارەنووس و ئایندەی خۆیان دەدا وەك دەسكەوتنی هەلی كارو دابینكردنی كۆمەڵایەتی. ئەوەش ئەوەبوو كەپارتی پارێزگاران لەكاتی بردنەوەیەدا پێشكەشی دەكردو كاری بۆ دەكرد.
هەموو ئەم خاڵانەش لەلایەن كلیمینت ئانتلی سەرۆك وەزیرانی نوێی بەریتانیاوە پشتڕاست كرایەوە.
(ئەو سەركەوتنەی لەوڵاتدا بەدەستمان هێنا، بەرەو قۆناغێكی تازەی ژیانی سیاسیمان دەبات. سەركەوتنی پارتی پارێزگارانی رەها دەریدەخات كە وڵات ئامادەیە بۆ سیاسەتێكی تازە كە لەئاست جیهانی تازەدا بێت. پارتی پارێزگاران سیاسەتێكی گونجاو و كەسی گونجاویشی هەیە بۆ جێبەجێكردنی).
كەسی دووەمی ئەو حزبە بەناوی هاری هاریسۆن، ئەندازیاری سەركەوتنەكانی پارتی پارێزگاران بوو، لەحكومەتی تازەشدا بووە كەسی دووەم. بووە بەرپرسی كاروباری ناوخۆی وڵات. ئیرنست دیڤنیش بووە وەزیری دەرەوە. ئەوانە كۆمەڵێك پیاوی تازەبوون، كە هەڵگری بیرۆكەی تازەبوو.
بە نیسبەت ئەو پیاوەشەوە كە سەركردایەتی وڵاتەكەی كرد لەجەنگی جیهانیی دووەمدا، وینستۆن چەرچڵ گەڕایەوە پەرلەمان. بەڵام ئەمجارەیان لەبەرەی ئۆپۆزسیۆندا مایەوەو دوای چەند رۆژێكیش دەست لەكاركێشانەوەی خۆی راگەیاند، بەڵام هێشتا بەشێكی زۆری خەڵك سڵاویان لێدەكردو دروشمیان بەباڵایدا هەڵدەداو نازناوی رزگاری نیشتمانیان پێدا.

print

 11 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*