سەرەکی » ئابووری » كۆرۆنا و بۆرسەی ئەمریكا

كۆرۆنا و بۆرسەی ئەمریكا

بڵاوبوونەوەی ڤایرۆسی كۆرۆنا لە چین زیانێكی زۆری بە بۆرسەكانی ئەمریكا‌و چەند وڵاتێكی تر گەیاندوەو پسپۆڕێكی ئابووریی ئەمریكیش دەڵێت: «چین دووەم گەورەترین هێزی ئابووریی جیهانە‌و بەهۆی جەنگی بازرگانییەوە لەساڵی رابردوودا نزمترین ئاستی گەشەی تۆماركردوە».
تیندای كاپفیندزی شارەزای بواری ئابووری پێیوایە، بڵاوبوونەوەی ڤایرۆسی كۆرۆنا بەو ئاستە مەترسیدارە، كاریگەرییەكی خراپی لەسەر گەشەی ئابووریی چین دەبێت‌و ئەم زیانەش هاوشێوەی ڤایرۆسەكە بڵاودەبێتەوەو زیان بە وڵاتانی تر دەگەیەنێت.
وتیشی: «چین یەكێكە لەگەورەترین هێزە ئابوورییەكانی جیهان و نیگەرانیەكانیش لەكاتێكدان چین لەدوو ساڵی رابردوودا بە خاوبوونەوەیەكی گەشەی ئابووریدا تێپەڕیووە.
ئاشكراشیكرد: ئابووری چین لەئاستێكی هێندە باشدا نییە بەرگەی ئەو هەموو قەیرانانە بگرێت و بڵاوبوونەوەی ئەو ڤایرۆسەش كاریگەری لەسەر كەمبوونەوەی زیاتری خەرجیەكان لەلای بەكاربەران دەبێت و بەوەش گەشەی ئابووری جیهانیش زیاتر دادەبەزێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*