سەرەکی » وتار » شیلان ده‌رگه‌ڵه‌یی » ویژدان و ڕاستگۆیی بەشێكن لە ئەخلاقپەڕە 27

ویژدان و ڕاستگۆیی بەشێكن لە ئەخلاق

ئەو فەوزایەی ناونراوە ڕاپەڕین، چەندین خرتكە نووسەر و پوشكەسیاسی و دڵرەش و چەواشەكاریشی هێنادەنگ. هەریەكە و بەگوێرەی سیاسەتی حزبەكەی دێتەگۆ.
زۆر بەڕوونی دەتوانی رەش و سپیان لەیەك جیاكەیەوە. ئەوەی تا دوێنێش لەپەنا پەردەوە گازیگرتووە ئەمڕۆ وەك مار زمانە ژەهراویەكەی درێژتر كردۆتەوە.
دوو رۆژە چەندین ترسنۆكی ناوجێی گەرم و پەنا لاپتۆپەكان بەسەر فه‌رمانده‌ و پێشمه‌رگه‌ و تێكۆشه‌ره‌ دێرینه‌كه‌ی رێبازی كوردایه‌تی عەوڵابۆری مێرخاس دا دەڕشێنەوە.
من ئەو پیاوەم بە ڕێككەوتیش نەدیوە لە تی ڤی نەبێ، ئەگەر واشبزانن تەنها لەبەر ئەوەی فەرماندەیەكی یەكێتیە، باسی جوامێری و رابردووه‌ پرشنگدار و ماندوویی و له‌خۆبووردووییه‌كه‌ی ده‌كه‌م، ئه‌وا بۆچوونه‌كه‌ له‌ جێی خۆی نییه‌ و نه‌تانپێكاوه‌. هه‌ر له‌ناو یه‌كێتی نیشتمانی كوردستان دا بەرپرسی وامان هەیە ئاو و ئاو بچێ به‌ خه‌یاڵمدا نایه‌ حه‌رفێكی بۆ فڕی بده‌م خۆی پێ بگرێته‌وه‌، به‌هۆی ئه‌وه‌ی له‌ رێبازه‌كه‌ی مام و ئامانجه‌ پیرۆزه‌كانی یه‌كێتی و یه‌كێتییه‌كان دوور كه‌وتۆته‌وه‌ یان لایداوه‌ و به‌ڕێیه‌كدا رۆیشتووه‌ و ده‌روا كه‌ نه‌ رێی راسته‌قینه‌ی یه‌كێتییه‌ و نه‌ ده‌شبێت رێگای یه‌كێتییه‌كان بێت، بەڵام نەمتوانی لەبەرامبەر ئەو ناهەقی و بێ ڕێزیەی زۆر لەو تۆڕە كۆمەڵایەتیەكان كه‌ به‌ ئه‌و قاره‌مانه‌ ده‌كرێت كه‌ ناوی عه‌وڵا بۆره‌ بێدەنگبم.
عەوڵا بۆر یا شێرەبۆر ( وەك مامی مەزن ناوی نا) یەكێكە لەو پێشمەرگە دانەبڕاوانە و ئەو فەرماندە قارەمانە خۆنەویستانەی چوارساڵە سەنگەری دژ بەداعشی جێنەهێشتوە و دۆست و دوژمن ئەوە دەزانن كه‌ برینداربوونه‌كانیشی نه‌بوونه‌ هۆی پشوودا و درووكه‌وتنه‌وه‌ی له‌ به‌ره‌ی جه‌نگه‌ پیرۆزه‌كه‌، داننان بەو راستیە یا نكوڵیكردن لێی دەكەوێتە سەر ویژدان و ڕەوشت و ئاستی تێگەیشتن لە مانای دڵسۆزی و خیانەت.
لە سایەی یەكێتی و ئەو پیاوە و هەزاران پێشمەرگە و فەرماندەی تری وەك خۆی بە شەهید و زیندوەكانیشەوە كەرامەت و سەر و ماڵی هاووڵاتیان پارێزراوبووە، ئەگینا هەمووی وەك شنگال لە سایەی هێزه‌ بێ ده‌ربه‌ست و نیشتمان فرۆشه‌كان دەفرۆشران و كچان و ژنانی كورد لە بازاڕی هەرزانی داوێنپیسەكانی داعش و كلتوورداعشه‌كان هەڕاج دەكران.
دانانی یەكێتی لە هەمان تای تەرازووی تاڵانكارانی وڵات، ئەوپەڕی بێویژدانی و بێ نمەكی و بێ وەفاییە بەرامبەر حزبی شەهیدان و قارەمانان.
هەڵوێستەكان یەكێتیان ناساندووە، جەماوەرە دڵسۆزە پاكە نەگۆڕاوە خاوەن هەڵوێستەكەی كه‌ ئه‌و حیزبه‌یان راگرتووه‌، ئەوانەی هەرچی ڕووبدا پشتی تێناكەن و ژێری ناكۆڵن و بە تەشی ناحەزانی ناڕێسن، هەر جارەی لە وەتەرێك ناژەنن. ئەوانەی ئەوەندە سادە و ساویلكەنین بە دوو پۆست و كۆمێنتی ناحەزانی تووتی ئاسا دووبارەی ناكەنەوە، بێ ئەوەی بگەڕێنەوە سەر هەڵوێستە نیشتمانی و نەتەوەییەكانی و رەوشتی پێشمەرگە و فەرماندە پاك و دڵسۆزەكانی. یەكێتی و پاشخانه‌ نه‌ته‌وه‌یی و نیشتمانییه‌كانی زۆر لەوە گەورەترن بە هیچ حزب و ئەندام و لایەنگری هیچ لایەنێكیش بشكێ.

 403 جار بینراوە