سەرەکی » وتار » دڵبەند مستەفا » كورد و رەمزەكانی نیشتمان

كورد و رەمزەكانی نیشتمان

لەتەواوی دنیادا هەموو گەلان بەردەوام شانازی بە كەس و كەسایەتیە ناودارەكانیانەوە دەكەن و مۆزەخانەو پاركی گەورەیان بەناوەوە دەكەن، راستە لای ئێمەش هەندێ‌ باخچە كراوە بەناوی بەشێك لەو كەسانەوە، بەڵام ئەوەی جێگای داخە زۆرجار كەسانی نەزان دێن ناوی ئەو رەمزە بەرزانە دەنێن بەهەندێ‌ شتی نەشیاوەوە كە دواتر دەبێتە دەستەواژەی بڵاوو زۆرینە بە داخەوە بەكاری دەهێنن.
ئەم دیاردە نامۆیە بە كلتووری وڵاتی ئێمە داهێنراوی كەسانێكە كە ئاشنا نین بە پیرۆزی كلتووری وڵاتەكە و ئاگایان لە ماندووبوونی ئەو كەسایەتیانە نییە، بێ ئاگان ئەو كەسانە بەچ ماندووبوونێك گەیشتوونەتە ئەو پلەیە كە رەنگە چەندین رۆژ نانی ئاسایی نەبووبێت بیخۆن، بەڵام كۆڵیان نەداوە لە پێناو گەیاندنی سوودێك بە میلەتەكەیان هەتا ببنە چرایەك بۆ نیشتمان، بەڕای من ئاساییە كەسانی ئاسایی ئەم ناوانە بەكاربهێنن لەنەزانییەوە، بەڵام قورس و ترسناكە كەسانێك كە خۆیان بەهونەرمەند و رۆشنبیر بزانن بەكاریبهێنن، لەوەش كارەساتتر بەكارهێنانەكە لە بەرنامەیەكی تەلەفزیۆنیدا بێت. بۆیە پێویستە هەڵمەتێكی گەورە بۆ هۆشیاری هاووڵاتیان بكرێت بۆ دووركەوتنەوە لەو كلتوورە ناشیرینە نامۆیە بە كلتوری ئێمە و هەوڵبدرێت بەردەوام ناوی ئەو زاتانە لە بەرزترین پلەو جوانترین شتدا بهێنرێن و ناو بنرێن، پێویستیشە ئەو كەسانە داوای لێبوردن لە هەموو گەلی كوردستان بکەن لەسەر ئەو بەكارهێنانە نەشیاوانە، تا جارێكی تر كەس جورئەتی ئەوە نەكات دووبارەی بكاتەوە.

print

 161 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*