سەرەکی » وتار » ئاشتی‌ عه‌بدوڵڵا‌ » غیابی دنیابینی ژنان

وته‌ی‌ ژنۆرناڵ

غیابی دنیابینی ژنان

زۆرجار لە زۆر بۆنە و نووسین و كۆبوونەوەدا قسەكراوە لەسەر فەرامۆشكردنی ژنان لە كایەی سیاسی و میدیایدا، کە بەشداری فعلی بەژنان نەكراوە و دنیابیینی ژنان بەپێ‌ی پێویست تا ئەم ساتەش بەهەند وەرنەگیراوە.
دوور ناڕۆم بەگشتی باسی لایەنەكان ناكەم، دڵنیام ئەم تێڕوانینە بۆ هەموو پارتە سیاسیەكان بەهەمان جۆرە، قسەی من لەوتەی ئەمجارەدا لەسەر یەكێتی یە كە بەندە نزیكە لەیەكێتی و لەدەزگای راگەیاندنی یەكێتیدا كارئەكەم،
لەماوەی رابردوودا هەموو ئەو رووداو و گۆرانكاریە سیاسی و تەنانەت نارەزایی خەڵك و كادرانی یەكێتیش بوونی هەبووە، رۆڵی ژنان وەك پێویست نابینین ژنان تاڕادەیەكی زۆر غائیبن لە وینەكەدا، بێگومان ئەمە خواستی ژنان نییە و بەڵكو فەرامۆشكردنی ژنانە لەئەجندای ئێستای یەكێتی و بەپێ‌ی ئەو دروشم و بنەمایانە نییە كە رەوانشاد مام جەلال بونیادی نا و باوەڕی بەهاتنە پێشەوەی ژنان هەبوو، رەنگە ئەم قسەیە قورس بێت بۆ هەڤاڵانی بڕیار بەدەستی ئێستای یەكێتی یان بەدیوێكیتردا لە گوتارو قسەكانیان پێیان وایە گرنگی بەڕۆڵی ژنان دەدەن، بەڵام واقیع بەجۆرێكی ترەو رۆڵی ژنانی بەتایبەت ژنانی ئەكتیف و خاوەن دنیابینی و دڵسۆز بەیەكێتی لە هاوكێشە سیاسی و میدیایەكەدا بەڕادەیەك لاوازە جێی نیگەرانی و هەڵوێستە لەسەركردنە و وەستانە لەسەر ئەم خاڵە.
راستیەكیتر كە بوترێت، ئەدای سیاسی ئێستای یەكێتی دڵخۆشكەرنییە نەك تەنها بۆ ژنان بەڵكو بۆ پیاوانیش بەهەمان شێوەیە، هەموو ئەم كارەكتەرو عەقڵانەی كە پێویستن ئێستا لە ناوبازنەیەكی سەرەكی وگرنگیپێداندابن هەر لە ژنان و پیاوان، بەمەبەست بێت یان بێ‌ مەبەست لە دەرەوەی بازنەكەن و ئەمەش دواجار كوشتنی ئەو وزەو توانایە كە یەكێتی پێویستییەتی، رێگەچارە لە نووسینێكی ئاوادا زەحمەت جێی بكرێتەوە، بەڵام بۆ بەبیرهینانەوەی هەڤاڵانی بریار بەدەست گرنگ بوو قسەیەكمان هەبێ‌ ئەگەر خوینەری رۆژنامە فەرمیەكەی خۆیان بن بێگومان ئەم رایە دەبیینن.
لەكۆتاییدا دەبێت بڵێم بەخۆداچوونەوە گەڕانەوە بۆ بەهاو بنەماكانی یەكێتی و بیروباوەڕەكانی مام زەرورەتەو بەستنی كۆنگرەش یەكێكترە لەزەرورەتەكانی ئەم قۆناغە كە یەكێتی زۆر خەمساردە لێی. فەرامۆشكردنی ئەم مەفهومانە واتە فەرامۆشكردن و خەمساردی بۆ داهاتووی یەكێتی و كوشتنی سەدان وزەو توانای ژنان و پیاوانێكە كەئەكرێت ببنە ئاسۆیەكی روون بۆ داهاتووی یەكێتی.

print

 63 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*