سەرەکی » وەرزش » یانەی نەورۆز بە پاڵەوانی خولی كوردستان دیاریكرا

یانەی نەورۆز بە پاڵەوانی خولی كوردستان دیاریكرا

دوای ماوەیەكی زۆر دابڕان دواجار یەكێتی تۆپی پێی كوردستان بەتەواوی ئەندامانییەوە لە هەولێر كۆبۆوەو بڕیاری لەسەر داهاتووی خولی نایابدا.
لەماوەی رابردوو یەكێتییە بەجیا 2 جار كۆبۆوەو هەریەكەو بڕیاری دژ بەیەكیان داو دواجاریش دوای چاوەڕوانییەكی زۆر كۆبوونەوەیەكی گشتی ئەنجامدا.
دوای كۆبوونەوەكەش لە كۆنگرەیەكی رۆژنامەوانی بڕیارەكانی كۆبوونەكە ئاشكرا كراو بڕیاردا وەرزی رابردووی خولەكە بە ریزبەندی پێش وەستانی یارییەكان كۆتایی پێ بهێنرێت.
بەو پێیەش یانەی نەورۆزی پێشەنگ دەبێتە پاڵەوانی خولی نایابی كوردستان بەڵام هیچ مەراسیمێكی خەڵات دابەش كردن ئەنجام نادرێت و هیچ یانەیەكیش دانەبەزێنرێت بۆ خولی پلەیەك لەنێویاندا یانەی ئەرارات.
یەكێتییەكە بڕیاری دا وەرزی نوێی خولی نایاب رۆژی 27/11 دەست پێبكات و خولی پلەیەكیش رۆژی 30ی هەمان مانگ دەست پێبكات بۆ ئەمەش كۆبوونەوە لەگەڵ حكومەت و لایەنی تەندروستی دەكات بۆ ئەوەی ئامادەكاری بۆ بكەن.
لە فووتساڵی كچانیشدا بڕیاردرا خولەكە رۆژی 13/11 بەڕێوەبچێت و هەر یانەیەكیش بیەوێت بەشداریبكات بەشداریكردنەكەی ئارەزوومەندانەیە.

 149 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*