سەرەکی » ئابووری » وەزیری كارەبا:نرخی كارەبا زیاد ناكات

وەزیری كارەبا:نرخی كارەبا زیاد ناكات

وەزیری كارەبای حکومەتی هەرێمی كوردستان رایدەگەیەنێت، هاووڵاتیان دڵنیا دەكەمەوە كە پێدانی سێكتەری دابەشكردنی كارەبا بە كەرتی تایبەت كاریگەری لەسەر نرخ نابێت‌و نرخی كارەبا زیاد ناكات.

كەمال محەمەد وەزیری كارەبای حکومەتی هەرێم لەلایەن لیژنەی وزەو سامانە سروشتییەكان‌و پیشەسازیی پەرلەمانی كوردستانەوە میوانداری كرا‌و تیایدا باسی لە پڕۆسەی بەڕێوەبردنی سێكتەری دابەشكردنی كارەبا كرد لەلایەن كەرتی تایبەتەوە، كە سوودێكی زۆری هەیە چ لەڕووی پاراستنی ماوەكانی پێدانی كارەباو كەمكردنەوەی رۆتین و كەمكردنەوەی خەرجیەكانەوە بێت، یاخود لەڕووی نرخەوە بێت، كە هاووڵاتیان دڵنیا دەكەمەوە نرخ زیاد ناكات.

وتیشی: «تائێستا كارەبا نەدراوەتە هیچ كۆمپانیایەك، بەڵكو هێشتا ئەو بابەتە لە قۆناغی ئامادەكردنی تەندەردایە».

سەبارەت بە پاراستنی مافی فەرمانبەرانیش وەزیری كارەبا وتی: «ئەو فەرمانبەرانەی لە كەرتی كارەبا كار دەكەن، بە هەموو ئیمتیاز و شایستەی مووچە و خزمەتەوە مافەكانیان پارێزراو دەبێت.

 54 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*