محەمەد فەكی وتەبێژ بەناوی ئەنجومەنی سەرۆكایەتیی سودانەوە رایگەیاند: بەمدواییانە وەفدێكی ئیسرائیلی سەردانی خەرتومی پایتەختی كردووە.

روونیشیكردەوە: سەردانی وەفدە ئیسرائیلییەكە لە هەفتەی رابردوودا بووە ‌و تەنها بۆ مەبەستی سەربازیی بووە، نەك سیاسی. وتیشی: وەفدە ئیسرائیلییەكە لەگەڵ كەسایەتییە سەربازییەكانی سودان كۆبوونەتەوە ‌و چەند بوارێكی دیاریكراویان تاوتوێكردووە ‌و باسی هیچ لایەنێكی ئاساییكردنەوەی پەیوەندییە سیاسییەكانی نێوان هەردوو وڵاتیان نەكردووە.

ئاژانسی دەنگوباسی سكای نیوز لە زاری چەند سەرچاوەیەكەوە بڵاویكردەوە: وەفدێكی ئیسرائیلی سەردانی خەرتومی پایتەختی سودانی كردووە، بەمەبەستی تۆكمەكردنی پەیوەندییەكانی نێوان هەردوولا.

مانگی تشرینی یەكەمی رابردوو، ویلایەتەیەكگرتووەكانی ئەمریكا ‌و سودان ‌و ئیسرائیل، ئاساییکردنەوەی پەیوەندییەکانی نێوان تەلئەبیب ‌و خەرتومیان راگەیاند.

 64 جار بینراوە