سەرەکی » وەرزش » تیروپشكی مۆندیالی یانەكان راكێشرا

تیروپشكی مۆندیالی یانەكان راكێشرا

یەكێتی نێودەوڵەتی تۆپی پێ بەشێوەی ئۆنلاین تیروپشكی یارییەكانی مۆندیالی یانەكانی راكێشا كە وابڕیارە سەرەتای مانگی داهاتوو قەتەر میوانداری بكات.

بەپێی تیروپشكەكە كە لە شاری زیورخ بەڕێوەچوو یانەی دحێلی پاڵەوانی قەتەر لە یەكەم یاری قۆناغی چارەكی كۆتایی رووبەڕووی یانەی ئەهلی میسری دەبێتەوە كە ئەمەی دوایی پاڵەوانی ئەفریقایە.

لەدووەم یاری قۆناغی چارەكی كۆتایش یانەی تیگریس ئۆنالی مەكسیكی كە پاڵەوانی كۆنكاكافە رووبەڕووی ئۆلسان هیۆندای كۆریای باشوور دەبێتەوە كە پاڵەوانی ئاسیایە.

لە قۆناغی پێش كۆتاییشدا یانەی بایرن مونشنی پاڵەوانی ئەوروپا رووبەڕووی براوەی یاری دحێل و ئەهلی دەبێتەوەو پاڵەوانی ئەمریكای باشووریش لە دووەم یاری قۆناغی پێش كۆتایی روبەڕوی براوەی تیگریس و ئۆلسان دەبێتەوە.

یارییەكانی رۆژی 4/2 دەست پێدەكەن و سەرجەم یارییەكانیش لە یاریگای شاری پەروەردەیی و ئەحمەد بن عەلی دەكرێن.

 87 جار بینراوە