سەرەکی » هەواڵ » لاهور شێخ جەنگی هاوسەرۆکی یەکێتی لە رێوڕەسمی پێشوازیی پاپای ڤاتیکاندا بەشداری کرد

لاهور شێخ جەنگی هاوسەرۆکی یەکێتی لە رێوڕەسمی پێشوازیی پاپای ڤاتیکاندا بەشداری کرد

لاهور شێخ جەنگی ئەمڕۆ هەینی 5ی ئادار لە رێوڕەسمی پێشوازیی پاپای ڤاتیکاندا بەشداری کرد. لەم بارەیەوە لە هەژماری تایبەتی خۆی لە تویتەر نووسیویەتی:
ئەمڕۆ لە شاری بەغدا، لەگەڵ بەڕێزان سەرۆک کۆمار و سەرۆک وەزیران و سەرۆکی ئەنجومەنی نوێنەران و ژمارەیەک لە سەرکردەی لایەنە سیاسییەکان، پێشوازییەکی گەرممان کرد لە قەداسەتی پاپا فرانسیس پاپای ڤاتیکان. سەردانەکەی پاپا لەم هەلومەرجە هەستیارەی ئێستادا ئاڵنگارییەکی گەورەیە، لە هەمانکاتدا مانا و گرنگییەکی مێژوویی هەیە بۆ پشتیوانیکردنی عیراق و هەرێمی کوردستان لە ئاستی نێودەوڵەتی و فاکتەرێکی گرنگیشە بۆ گەیاندنی پەیامی ئاشتی و نزیکبوونەوەی نێوان هەموو ئایینە ئاسمانییەکان. هیوادارم سەردان و نزا و پاڕانەوەکانی مەڕجەعی باڵای کڵێسای کاثۆلیکی لە جیهاندا ببێتە مایەی سەقامگیریی زیاتر و بەھێزکردنی یەکڕیزیی کۆمەڵایەتی و پێکەوە ژیانی ئایینی و یەکتر قبووڵکردنی نێوان نەتەوە و پێکهاتە جیاوازەکان لە وڵاتدا.

 

 313 جار بینراوە