سەرەکی » زانست » پۆستەچییەكەی سویسرا

پۆستەچییەكەی سویسرا

كۆمپانیای پۆستی سویسرا جۆرە ئۆتۆمبێلێكی تازە بەكاردەهێنێت كە بەبێ شوفێر نامەو پاكێتەكان بەسەر ماڵان دابەش دەكات، ئەو پۆستە چییە كارەباییەو لەلایەن كۆمپانیای Nio ی چینی دروستكراوەو خێراییەكەی 6 كیلۆمەترە لە سەعاتێكدا، لەماوەی رابردو ژمارەیەك لەو ئۆتۆمبێلانە گەیشتنە وڵاتەكەو لەشاری لۆزان تاقی كرانەوەو لە دوای سێ مانگ لە كارپێكردنی بەشێوەیەكی ئەزمونی و چاكسازیكردن تیایدا, بریار وایە لەماوەی داهاتودا بخرێنە خزمەت هاوڵاتیان و لە دایەرەی پۆستەوە پاكێت و كارتۆنەكان بۆ ماڵان بگوازێتەوە.

پۆستە چییەكە قەبارەیەكی بچكۆلەو بەڕەنگی زەرد داڕێژراوە، درێژیەكەی 3 مەترو بەرزیەكەشی 1.8 مەترە، كورسی دانیشتنی نییە، لە ناوەڕاستیەوە كراوەتە دووبەشی ستونی و لەهەر لایەكیان 11تاقچكەی داخراو و ئەلێكترۆنی» بۆكس» ی بۆ دروستكراوە بۆ هەڵگرتنی پاكێتەكان لەناو ئەو ئۆتۆمبێلەی گواستنەوەیەدا 15 ئامێری تەكنەلۆژی بەستراوە كەهەریەكەیان كارێك ئەنجام دەدات، یەكیان قفڵدانی سەندوقەكانەو یەكێكی تر كردنەوەیان ئەویتر وەرگرتنی رەمزو داتا، بەمجۆرە هەموویان پرۆسەیەكی تەواوكاری و كامڵ جێبەجێ دەكەن، ئامێرەكەی گواستنەوە پێنج كامێرای پێوەیە كە هەموویان بەهەستیارترین و باشترین شێواز كۆنترۆڵی دەوروبەر رادەستكردنی پۆستەكان دەكەن و داتاكان دەخەنە ناو كۆمپیوتەرەكەوە، جێی باسە لە 2018 ەوە كۆمپانیای پۆستی ئەڵمانی یەكێك لەوجۆرانەی رۆبۆت بۆ گواستنەوەی نامەو پاكێتەكان بەكاردەهێنێت.

سەرچاوە: ڕۆژنامەی Le Matin

 49 جار بینراوە