سەرەکی » زانست » ترشانی گەدە؛ چارەسەر نەكرێت مەترسیدارە

ترشانی گەدە؛ چارەسەر نەكرێت مەترسیدارە

خانەكانی گەدەی مرۆڤ رۆژانە 2 بۆ 3 لیتر زەرداوێك دەردەدەن كەپێكهاتوە لە ترشەلۆكی هیدرۆكلۆریك و مۆزین و كاری ئەوەیە كاتێك خواردنەكان دەگەنە ناو گەدە بەسەریاندا دەڕژێ و لەت و پەتی دەكەن و ئاسانكاری هەرسكردن دەكەن، جگەلەوەش هەرچی ڤایرۆس و بەكتریای زیان بەخشە كە لەگەڵ خواردنەكە دەچێتە ناو گەدە لەناویان دەبات، بەڵام ئەگەر نەتوانێت پرۆتینەكە لەت بكات و جوان بیهاڕێت ئەوا ترشەكە زیاتر بەرهەم دێ و گەدە هەر هەوڵی خۆی دەدات بۆ برژاندنی ئەو ئەنزیمە ، كاتێك ترشەكە نەتوانێت ئەو ئاسانكاریە بۆ گەدە جێبەجێ بكات ئەوا وەزعەكە شپرزە دەبێ و گەدەی مرۆڤ توشی ترشەڵۆكی زیادە دەبێت كەئەمەش دەبێتە هۆی سەرو دڵ تێكەڵهاتن و لەدەستدانی شەهیەتی خواردن و سكچون و بێتاقەتی.

لەسەر ئەمە پرۆفیسۆر Dr. med. Gernot Rohdeلەنەخۆشخانەی Elisabethen لەفرانكفۆرت هۆكارەكانی دروستبونی ئەو حاڵەتە روندەكاتەوە دەڵیت: كاتێك مرۆڤ خواردنێكی قورس یان زۆر چەور یان بێ لەزەت و بەنا بەدڵیەوە بخوات یان خواردنی ناتەندروستی درەنگە شەوان ، ترشەڵۆكی گەدە ناتوانێت پرۆسەی ئاسانكاری بۆ گەدە بكات و لەڕژان بەردەوام دەبن بێ ئەوەی سودێك بگەیەنن، بۆیە نا هاوسەنگی لەناو گەدە دروست دەبێت كەسەكە توشی شڵەژاوی و تەنگەنەفەسی و سكچون دەبێ و سەرو دڵی تێك دەچێت،هەروەها پرۆفیسۆر Dr. med. Andrea Riphaus لەهەمان نەخۆشخانەی پسپۆڕی نەخۆشیەكانی هەناو رێیماییەكانمان دەكات كە بەپەلە چارەسەری خۆمان بكەین چونكە ئەگەر ئەو حاڵەتە بەردەوام بێت لەوانەیە گەدەو كۆئەندامەكانی تر توشی هەوكردن ببنەوەو زۆر جارانیش دەبێتە هۆی دروستبونی خانەكانی شێرپەنجە، ئەو شارەزایە بۆچارەسەریە كاتییەكان رێنماییمان دەكات كە هەوڵ بدەین خواردنی چەورو پڕ كاربۆهێدرێت و خواردنە ئامادەكراوەكانی وەك پیتزاو هەمبەرگرو گەس و قوتوكراوەكان نەخۆین بەڵكو بۆ ماوەی چەند رۆژێك سەوزەو میوەو ئەو خواردنانەبخۆین كە هەرسكردنیان بۆگەدە ئاسانە، جگەلەوەش دوركەوتنەوە لە خواردنەوە كهولی و گازییەكان، ئەگەر بارەكە درێژەشی كێشا دەبێت زوو بچینەلای دكتۆری تایبەتی هەناوو و فریای خۆمان بكەوین.

سەرچاوە: Ratgeber Sodbrennen

 221 جار بینراوە