سەرەکی » وتار » لەتیف فاتیح فەرەج‌ » شێخ مەحمودی حەفید

خورجە

شێخ مەحمودی حەفید

1
سی ساڵ لەمەوبەر تازە بەرەوبیست ساڵ هەڵدەكشام، دڵم لیپی عیشقی نیشتمان، دەویست لەو گەرمەی شكست ونەهامەتیەدا بڕۆم ببمە پێشمەرگە، بونە پێشمەرگەشم بۆ ئەوە بوو شەهید بم، دڵی دنیام بە شەهید بون خۆش بوو، من ئەو ماتە پۆلی پێنجی وێژەیی بوم، ئەو كاتەشەهید بوون گەورەیی و مانادار بوو، شیعرم دەنوسی و دڵی دنیام بە شیعرەكانم خۆش بوو، ئەو سەردەمە شیعرێكم بۆ شێخ مەحمودی حەفید نوسی،لەوێدا دەڵێم :
دەڕۆینە بەردە قارەمان
كتێبەكەی مێژوی زەمان
ئەوكاتەوئێستاش مەلیكی كوردستانم وەك سومبلێكی نەتەوەیی گەورە تەماشا كردووە، راستە بەردەوام هەندێك تێبینی و سەرنجم لە سەر شێوازی چینایەتی و ئەوانە هەبووە، بەڵام مەلیكم بە پیاوێكی قارەمانو جەربەزە بینیوە، خۆزگا ئێستا رۆژنامەیەك، گۆڤارێك، یادگارێك بە نێوی ئەو سومبلەوە دەبوو.

2
دێڕە شیعرێكی مەلیكی كوردستان زۆر سەرنجم رادەكێشێت، ئەو دەڵێت :
گەر مانعی حەقی میللەتی كورد ببن عارەب
بێشك نوێژەكانم بە كوردی قەزا ئەكەم
مەلیكی كوردستان، كە عەرەبەكان لە دوای شەڕی شوعەیبە دەڵێن بە شێك لە سێ‌ بەشی بەهەشت هی ئەووپیاوەكانێتی، لێرەدا لەبەر ئەوەی زۆر پەیوەستە بە ئاینەكەیەوە، ناڵێت واز لە نوێژدێنم،دەڵێت نوێژەكانم بە كوردی دەكەم، ئەگەر عەرەب دان بە مافی ئێمەدا نەنێن، مەلیك سەرەڕای موسوڵمان بوونەكەی، لە گەڵ ئەوەشدا بۆبەدەستهێنانی مافی كورد پەنای بردوەتەبەر هەموو لایەك، دەستی بۆ تورك و عەرەب و روس و ئینگلیز درێژكردووە، بۆ ئەوەی نەتەوەكەی ئەویش وەك تەواوی نەتەوەكانی تر چوار چێوەو تاج و تەخت و بەختی هەبێت، لەو پێناوەشدا شەڕی كردووە.

3
مەلیك تا مردیش ماڵ و شوێنەكەی لە داریكەلی پەناگەوشوێنی داڵدەی هەموو ئەوانە بوو، كە دژی ستەمو نادادی بوون و لە دەستی ستەمپەنایان بۆ دەهێنا،جێی داخە تا ئێستا وەك پێویست بایەخ بەو لایەنەنەدراوە لە داڵدە دانی ئازادیخوازاندا بە شیوعیەكانیشەوە.
مەلیكی كوردستان سەرەڕای ئەوەی تێكۆشەرێكی گەورە بووە، خوێنەوارو رۆشنبیرو شاعیربووەو رێزی پیاوی خوێنەوارو رۆشنبیریشی گرتووە، راستەلە سەردەمەكەی ئەودا هەندێك ناجۆری ڕوویانداوە، بەڵام ئەوە زۆركەم لە سەر ئەو حسابە، من پێشتریش باسی ئەوەم كردووە، كە ئەو بایەخی بە ڕەخنەو رەخنەلێ‌ گرتن داوەو تەنانەت حەمدی شاعیر كە زۆر نزیكی بووە، رەخنەی لێگرتوەو شیعری پیاهەڵدانیشی هەیە بۆی، هەروەها شوكری فەزڵی، پیرە مێرد، جەمیل سائیب رەخنەیان لێگرتوە، كە دەشێت هەندێكی ناهەقیشی تیا بێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

كۆڵكێشه‌كانی‌ به‌ر هه‌تاو

1 من ئه‌وكه‌سه‌م هه‌موو رۆژێ‌ ژیانی‌ ئه‌مڕۆم ئه‌فرۆشم بۆ كڕینی‌ ...