سەرەکی » وتار » لەتیف فاتیح فەرەج‌ » برینی ئێزدیەكانپەڕە 3

خورجە

برینی ئێزدیەكان

1
سوڵتان ئێزی بە خۆ پاشایە
هەزارو یەك ناڤ لخوە نایە
ناڤێ‌ مەزن هەر خودایە
ئەوان بەو جۆرە خودا پەرستی خۆیان دەكردو نەیاندەویست خودای كەس لە خۆیان نیگەرانبكەن، ئەوان بە درێژای مێژوو لەبەردەم هەڕەشەو سڕینەوەدا بوونە، هەركێ‌ هاتوە پەلاماری داون، پەلامارە دڕندانەكەی 3ی 8 ی 2014 هەفتاودوهەمین پەلامار بوو بۆ سەر ئەوان، جیاوازی پەلاماری ئەمجارە لەوانی تر هەر ئەوە نەبوو لە سەدەی 21دا ئەوە كرا، بگرە جیاوازیەكەی ئەوەبوو، ئیدی دنیا بە هەمان شێوازی رابردوو لە خەوی قوڵدا نەبوو، پەلاماردەرە شمشێر وەشێنەكانیش بەشانازیەوە ئەو كوشت و بڕو تاڵان و لەكەدار كردنەیانبڵاو دەكردەوە، گەواهیدەرەكانی ئەمجارە یەك و دوو دە نەبوون، گەواهیدەرەكان زۆر بوون، هێندەی كەناڵەكانی دنیا، هێندەی ئەو كامێرایانەی لە چیای شەنگالەوە وێنەكانی مەرگی عەزیزی ساوایانبۆمان دەگوازتەوە .

2
چیرۆكی ئەو كچەیازدە ساڵە فریشتەئاسایەی ئێزدیەكان هەموومانی تاساندبوو، ئەو لە هەموو پیاوێك دەترسا ن كە پیاوی دەبینی زەندەقی دەچوو، بە تایبەت ئەو پیاوانەی ریشێكی زۆریان هەبوو، ئەوخاتونەی دوای بێ‌ ئەمێد بوون لە دۆزینەوەی خوشكەكەی ئەمی هەڵگرتبووە وە، تەنها پەناگەی بوو،ئەوبەردەوام لە پەنای ئەوخاتونە خۆی دەشاردەوە، من ویستم لە زاری خۆیەوە چیرۆكەكە، چیرۆكە ئازار بەخشەكە ببیسم، بەڵام هیچی نەوت، چاوەكانی گۆمی ترس و فرمێسكی قەتیس ماوبون، ئەوكچە لە نێوانچەند پیاوێكدا دەستاودەستی پێكرابوو، بەڵام هەردەتوت خودا فریشتەیەكی لە شێوەی ئەودا ناردوەتە سەر زەوی تا ڕاستی چیرۆكی پیاوەكانی لە زمانی فریشتەكانەوە بزانێت، منچەند ساڵێكە دەمەوێت ئەوچیرۆكە بنووسمەوە، نازانم بۆ هەمیشە دەستە پاچە دەبمو زمانم لە گۆ دەكەوێت .

3
لە یەك كاتا
ئێزیدیمو كاكەییم و شەبەكیشم
لە یەك كاتا
كۆتری ئاشتی وئاگری توڕەی چەكیشم
لەیەك كاتا
ئازارێكی هەڵواسراوم وەكو مەسیح
لە یەك كاتا
هەزاران ئەشكی پساوم وەكو تەسبیح
ساڕێژكردنەوەی برین بریتیە لە گێڕانەوەبۆ نێو ژیان، ماوەیەكی زۆر لەمەوبەر لە سەر پرسی ئەنفال لە كۆرێكی كەركوكا باسی دادوەری گوێزەرەوەم كرد، دادوەری گوێزەرەوە،بریتیە لەقەرەبووكردنەوەی ئاكاری، گێڕانەوە بۆ نێو ژیان، گوێتان لێبوو نادیە موراد چی بەترەمپ ووت، لێگەڕێن با ئێزدیەكان لە سەر خاكو خۆڵی خۆیان بە ئارامی بژین، لێگەڕێن با چیرۆكی ئازارەكانی خۆیان بنووسنەوە .

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

مامه‌ند كه‌ركوكی‌

1 ئه‌م جه‌هل و نیفاق و سیفه‌و زیلله‌ته‌ ده‌كه‌ی‌ ئه‌م ...