سەرەکی » وتار » بورهان شێخ ڕەئوف‌ » جیهان دوای كۆرۆنا

جیهان دوای كۆرۆنا

ئەم سەدەی بیست ویەكە هەرلەسەرەتاكەیەوە وەكوسەدەكانی پێش خۆی نەبوو ,هەرلە ڕوداوەكانی (11) سپتەمبەری 2001كەدواترجیهانی گۆڕی ,ئەمریكیەكان پەلاماری ئەفغانستانیان داوحكومەتی تالیبانیان ڕووخان وئەو وڵاتەیان داگیركرد,لە 2003 شدا عێراقیان داگیركرد,ئەوكەرەسانەی لەڕوداوەكانی 11 سپتەمبەردابەكارهاتن جیاوازبوو لەكەرەسەوچەكەكانی هێرش بردنی تەقلیدی , ئەمان كەڵكیان لەبلیتی گەشتكردن بەفڕۆكە وەرگرت تاوەكودەست بگرن بەسەر فڕۆكەی مەدەنی و بەكاری بێنن بۆپەلاماری تاوەرەكانی ناوەندی بازرگانی جیهانی لەنیۆرك وبنتاگۆن , نەك بەبۆمبی ئەتۆمی .

لەئێستاشدا ئەوەی ڕوو دەدات كە هەمووجیهانی تووشی شۆك كردووە ودەتوانین بڵێین ژیانی مرۆڤایەتی ئیفلیج كردووە ڤایرۆسێكی بچكۆلەیە و بەچاونابینرێت ئەویش (كۆرۆنای كۆڤید_19)ەیە كەبۆتەپەتاودەردێكی نەگریس وترس ولەرزێكی ئێجگارگەورەی خستۆتەدڵی دانیشتوانی گۆی زەوی .
ئەوەی وامان لێدەكات بگەینە ئەوباوەڕەو بڵێین كەجیهانی دوای كۆرۆنا جیهانێكی جیاوازترە كەپرسیاروگومانی گەورەمان لەلا دروستدەكات لەسەرچەمكەكانی دەوڵەت وسنورو وجیهانگیری و یەكێتی وهاوپەیمانیە زەبەلاحە ئیقلیمی ونێودەوڵەتیەكان بەتایبەتی یەكێتی ئەوروپا كەسنورەكانیان لەسەریەك داخستووە.

ئەگەر سەدەی پێشووبەدیاری كراوی لەدەیەی هەشتاكانی دا جەنگی ساردی نێوان دووجەمسەری ئەوسا ئەمریكاوهاوپەیمانەكانی لەناتۆو یەكێتی سۆڤیەت وهاوپەیمانەكانی لە هاوپەیمانی وارسۆ پێشبڕكێ‌ یان لەسەرشەڕی ئەستێركان دەكردو ملیارەها دۆلاریان بۆخەرج كرد ,بەڵام ئێستا كۆرۆنا ڤایرۆس لەسەرگۆی زەمین نەك بەربین وبەر دەرگای بەهەمووان گرتووە , بەڵكو هەمووكون و قوژبنێكی سەرزەمینی داگیركردووەوهەڕەشە لە مرۆڤ وشارستانیتیەكەی دەكات .
لە بەرامبەریشدا كۆمەڵگای مرۆڤایەتی دەستەوسانە تا ئێستا, بەڵگەش لێدوان و وتەكانی زۆرێك لە سەركردەكانی جیهانە هەرلەترەمپەوە تاوەكو رۆبن جۆنسۆن وئنگیلا مێركل وسەرۆكی ئیتالیاوئەوانی تریش .
ئەوەی مایەی تێڕامان ولەسەروەستانە بۆگەلانی سەرزەوی وبەتایبەتی وڵاتانی زلهێز كەلەكاربەدەستەكانیان بپرسن ئەوەی بۆشەڕی ساردوو شەڕی ئەستێرەكان خەرجتان كرد بۆ ژێرخانی تەندروستی وبەگژاچوونەوەی دەردوپەتاكان بكرایە ئێستا ژیانی گەلان جۆرێكی دی بوو.

لەهەمان كاتدا ڕوداوەكانی سەردەمی كۆرۆنا شەرعیەت وڕەوایەتی زۆر دام ودەزگاو ڕێكخراو وجومگەی زەبەلاح وچەورخۆردەخەنە ژێرپرسیارەوە كەئیترمانەوەیان هیچ بەهاوكاریگەرییەكی بۆكۆمەڵگاكان نیە ولەبەرامبەریشدا زۆر دەزگاو فەرمانگەش ڕۆڵی كاراو لێهاتووانەیان بینی كە دەكرێت گەشەیان پێ بدرێت .

لەكۆتاییداكۆرۆنا ئەو بەڵا نەگریسە كە بەدوای مرۆڤەكانەوەیە لەزەمین وئاسمان ودەریاشەوە هەمووی لەمرۆڤ یاساغ كردووە , تاوەكو ژووری نووستن و مزگەوت وكەنیسەكان وهەموو خانەوشوێنەكانی عیبادەتی ئاینەكانی تریش بۆنەومەراسیمەكانی پرسە , جەژنی دایك وهەمووجەژنەكانی تریش ,.تاكەچارەسەرێك تاوەكو نها كاربەدەستانی وڵاتان بەگەلەكانیانی دەبێژن لەماڵەوەدابنیشن , بزانین تاكوێ‌ دەتوانین ؟

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*