سەرەکی » هەواڵ » وه‌زیرانی وه‌رزش و لاوانی عیراق و رۆشنبیری و لاوانی هه‌رێم سه‌ردانی سه‌رۆک کۆماریان کرد

وه‌زیرانی وه‌رزش و لاوانی عیراق و رۆشنبیری و لاوانی هه‌رێم سه‌ردانی سه‌رۆک کۆماریان کرد

سەرۆک کۆمار د.بەرهەم ساڵح، ئەمڕۆ پێنجشەممە ٢٠٢٠/١١/٢٦ لە مێرگەپان پێشوازیکرد لە عەدنان درجال وەزیری وەرزش و لاوانی عیراق و حەمەی حەمە سەعید ‌وه‌زیری رۆشنبیری و لاوانی هه‌رێمی کوردستان.

لە دیدارەکەدا سەرۆک کۆمار جەختی لە گرنگی بەرەو پێشبردنی بواری وەرزشی کردەوه‌، سه‌ره‌ڕای پشتیوانی تەواو بۆ بەهرەی گه‌نجان و گەشەپێدان و فراوانکردنی دامەزراوە وەرزشییەکان.

لە بەشێکی دیکەی دیدارەکەدا سەرۆک بەرھەم ئاماژەی کرد بە گرنگی هەماهەنگی لە بواری وەرزشی لە نێوان وەزارەتی وەرزش و لاوانی عیراق و وەزارەتی رۆشنبیری و لاوانی هه‌رێم و کەرتە وەرزشییەکانی هەرێمی کوردستان بۆ کاری هاوبه‌ش و په‌ره‌پێدانی توانای وه‌رزشکاران و وه‌رزش به‌گشتی.

هه‌ر له‌دیداره‌که‌دا ته‌ئکید له‌ پشتیوانی هەڵبژاردەی نیشتمانی و یانه‌کان به‌گشتی کرایەوە، بۆ بەشداریکردن لە چالاکییه‌ وەرزشییە نێودەوڵەتییەکان.

لەلای خۆیەوە وەزیری وەرزش و لاوان وردەکاری پلانی وەزارەتەکەی بۆ پەرەپێدانی کەرتی وەرزشی لە وڵات و ئەو کێشە هەڵپەسێردراوانەی کە رووبەڕووی بواری وەرزشی دەبێتەوە بۆ سەرۆک کۆمار خستە روو، ھاوکات ھەوڵەکانی سەرۆک کۆماری بەرزنرخاند لەبارەی گرنگیدانی بە کەرتی وەرزش و لاوان لە وڵات.

  

 87 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*