سەرەکی » کەلتوور » لە مێژوودا، گەڕانێك بەناو سەدە و سەردەمەكانی رابردوو

لە مێژوودا، گەڕانێك بەناو سەدە و سەردەمەكانی رابردوو

لەدووتووێی 210 لاپەڕەدا کتێبی «لەمێژوودا، گەڕانێك بەناو سەدە و سەردەمەكانی رابردوو» نووسینی عومەر ئیسماعیل عارف چاپ و بڵاوکرایەوەو کەوتە بەردەستی خوێنەرانی.

كتێبەكە كۆكراوەی بەشێك لەخەرمانی وتارو بابەت و كورتە لێكۆڵینەوە مێژووییەكانی نووسەرە، كە لەنێوان ساڵانی (2009-2020)دا لە رۆژنامەی كوردستانی نوێ‌ و چەند گۆڤارێكدا بڵاوكراونەتەوەو لەپێنج بەش پێكهاتووە، بەمشێوەیە بەشی یەكەم دوو وتاری سەدەكانی پێش نووسینی لەخۆگرتووە، بەشی دووەم پێكهاتووە لە سیانزە بابەتی مێژوویی سەدەكانی پێش لەدایكبوون، هەروەها بەشی سێیەم لە پێنج وتارو كورتە لێكۆڵینەوەی دوای زایین پێكهاتووە. بەشی چوارەم تایبەتكراوە بۆ ئەو بابەتانەی كە پەیوەندیان بەسەردەمی میرنشینی بابانەوە هەیەو پێكهاتووە لە هەشت وتارو لێكۆڵینەوە، بەشی پێنجەمیش بۆ مێژووی هاوچەرخ تایبەتكراوە، كە پێكهاتووە لە سێ‌ بابەت.

 103 جار بینراوە