سەرەکی » کەلتوور » رۆمانی ماری کۆین کەوتە بەردەستی خوێنەرانی

رۆمانی ماری کۆین کەوتە بەردەستی خوێنەرانی

لە دووتووێی 470 لاپەڕەدا رۆمانی ماری کۆین نووسینی «ماریسا سیلڤەر» چاپ و بڵاوکرایەوە کەوتە بەردەستی خوێنەرانی.

رۆمانەکە «عەلی عوسمان یاقووب» لە ئینگلیزییەوە کردوویەتی بە کوردی و لە بڵاوکراوەکانی ناوەندی ئەندێشەیە.

بەپێی راپرسییەکی رۆژنامەی نیۆیۆرک تایمز، ساڵی 2013 رۆمانی «ماری کۆین» دوای رۆمانی «ئەو ژنەی رۆحی خۆی لەدەست دا»ی بۆب شکۆکۆهیس، پڕفرۆشترین رۆمان بووە.

رۆمانی «ماری کۆین» سروشی له‌ وێنه‌یه‌کی هێمائامێزو خه‌ماوی وێنه‌گری ئه‌مریکی «دۆرۆسیا لۆنگی» وه‌رگرتووه‌. گرتنی وێنه‌که‌ یه‌ك چرکه‌ ده‌خایه‌نێت، به‌ڵام رۆمانه‌که‌ مێژووی چه‌ندان سه‌ده‌ هه‌ڵده‌داته‌وه‌ و خوێندنه‌وه‌یه‌کی قوڵ بۆ مه‌ینه‌تی و ئاواره‌یی سه‌رده‌می قاتوقڕییه‌ گه‌وره‌که‌ی سییه‌کانی سه‌ده‌ی رابردووی ئه‌مریکا، که‌ به ‌‌The Great Depression ناسراوه‌، ده‌کا. چیرۆکەکە له‌ گۆشه‌ی بینینی سێ کاره‌کته‌ری جیا ده‌خاته‌ڕوو: یه‌که‌میان کاره‌کته‌ری «ڤێرا ده‌یر»ی وێنه‌گره‌، که‌ ژنێکی ئیفلیجه‌.

دووه‌میشیان، کاره‌کته‌ری «ماری کۆین»ه‌، که‌ به‌ره‌نگاری هه‌موو نه‌هامه‌تی و پره‌نسیپه‌ کۆمه‌ڵایه‌تییه‌ چه‌سپاوه‌کان ده‌بێته‌وه‌.

سێیه‌میشیان، «واکر دۆج»ه‌، که‌ مێژوونووسێکی سه‌رده‌مه‌ و ده‌یه‌وێ له‌ رێگه‌ی به‌ڵگه‌نامه‌ کاتییه‌کانه‌وه، پێ‌ بکه‌وێته‌وه‌، مێژوو چی به‌سه‌ر خه‌ڵکدا هێناوه‌.‌

 432 جار بینراوە